ހުކުރު ދުވަހު ޕީޕީއެމުން ބާއްވާ މުޒާހަރާއަށް ފުލުހުން ހުއްދަ ދީފި

ޓޫރިސްޓް ރިސޯޓް ތަރައްގީ ކުރުމަށްޓަކައި ވ. އާރަށް ކުއްޔަށް ދޫކުރުމުގެ މުއާމަލާތާ ގުޅިގެން ކުރީގެ ރައީސް ޢަބްދުالله ޔާމީންގެ މައްޗަށް އުފުލި ދައުވާ ސާބިތުވެ، 11 އަހަރަށް ޖަލަށް ލާން ވަނީ ހުކުމް ކޮށްފައެވެ.

މިކަމާ ގުޅިގެން އިދިކޮޅުން ދަނީ ސިލްސިލާކޮށް މުޒާހަރާތައް ބާއްވަމުންނެެވެ. އެ ޕާޓީން ވިދާޅުވީ ޑިސެމްބަރު 30ވާ ހުކުރު ދުވަހު "ހަރާމް ހުކުމް"ގެ ނަމުގައި ރާއްޖޭގެ ހުރިހާ ރަށެއްގައި ވެސް މުޒާހަރާއަށް ނިކުންނާނެ ކަމަށެވެ.

އަދި ހުކުރު ދުވަހުގެ މުޒާހަރާއަށް ފުލުހުން ހުއްދަދީފައިވާ ކަމަށް އަންގާފައިވާ ކަމަށާއި އެކަމަށްޓަކައި ދިވެހި ފުލުހުންގެ ހިދުމަތަށް  ޝުކުރު ދަންނަވާ ކަމަށް އެ ކޯލިޝަނުން ވިދާޅުވިއެވެ.

މާލެ ސަރަަހައްދުގައި އިހުތިޖާޖު އޮންނާނެ ތަނަކާއި ވަގުތެއް އަދި އިއުލާން ކޮށްފައިނުވެއެވެ. އެހެންނަމަވެސް ހުރިހާ ރަށެއްގައި ކުރިއަށްގެންދާ އިހުތިޖާޖު ފަށާނީ ހަވީރު 4:00 ގައިކަމަށް ޕީޕީއެމުން ބުނެފައިވެއެވެ.