ރައީސް ޔާމީނަށް ޖަލު ޙުކުމް އިއްވީ، ރައީސް ޞާލިޙަށް މަޤާމުގައި ދެމި ހުންނެވޭނެ މަގު ކޮށަން
އިދިކޮޅު ލީޑަރު، ރައީސް ޔާމީން ޖަލަށް ލުމަށް ޙުކުމް ކުރީ، ރައީސް އިބްރާހީމް މުޙައްމަދު ޞާލިހު މަޤާމުގައި ދެމި ހުންނެވުމަށް މަގު ކޮށުމުެ ގޮތުން ކަމަށް ޕްރޮގްރެސިވް ކޮންގްރެސް ކޯލިޝަނުން ބުނެފިއެވެ.
އެ ކޯލިޝަނުން މިހެން ބުނީ، އައު އަަހަރާ ދިމާކޮށް އިއްޔެ ނެރުނު ބަޔާނެއްގައެވެ. އިދިކޮޅުގެ ބަޔާނުގައި ބުނެފައިވަނީ 2023 ވަނަ އަހަރު ފެށިގެން އައީ ދިވެހި ރައްޔިތުންގެ ޢުއްމީދު، ގައުމުގެ ތަރައްޤީގެ ބާނީ ރައީސް ޔާމީންގެ މައްޗަށް ސިޔާސީ ނުފޫޒުން "ހަރާން" ހުކުމެއް ޖަހައި، ޖަލުގެ ތޭރިތަކު ތެރެއަށް ލައިގެން އަނިޔާވެރިވަމުން ދަނިކޮށް ކަމަށާއި، އެމަނިކުފާނަށް ހަރާން ހުކުމެއް ޖެހުމުގެ އެންމެ ބޮޑު ބޭނުމަކީ މިވަގުތު ރައީސުލްޖުމްހޫރިއްޔާގެ މަޤާމުގައި ހުރި އިބްރާހީމް މުޙައްމަދު ޞާލިޙު އިތުރު ދައުރަކަށް އިންތޚާބު ވުމަށް ކޮށާ މަގެއްގެ ގޮތުގައިކަން ދިވެހި އެންމެހައި ރައްޔިތުންނަށް ކަށަވަރުވާ ކަމަށެވެ.
އަދި މިއީ ދިވެހިންނަށް ހިތްދަތިކަމާއި މާޔޫސްކަން ކުރިމަތިވި ހަތަރު އަހަރު ކަމަށާއި އާ އަހަރާ ކުރިމަތިލީ މި ހިތްދަތިކަމަށް އިތުރު ބޮޅެއް އިތުރުކުރަމުން ކަމަށް އިދިކޮޅުން ބުނެއެވެ.
އެގޮތުން ރައްޔިތުންގެ ދިރިއުޅުމުގެ އަގު ބޮޑުކޮށް، ރައްޔިތުން އަތުން 8 ޕަސެންޓް ޖީއެސްޓީ ނަގާ ތަކެތީގެ އަގު ބޮޑުކުރުމުގެ އިތުރުން ރައްޔިތުން ނިކަމެތިކޮށްފައިވާ ކަމަށް އިދިކޮޅުން ބުނެއެވެ. މި ހުރިހައި ކަމަކުން އަރައިގަނެވޭނީ ރައީސް ޔާމީން އަނބުރާ ވެރިކަމަށް ގެނެސްގެން ކަމަށްވެސް އެ ބަޔާނުގައި ވަނީ ބުނެފައެވެ.
"ރައީސް ޔާމީން ޖަލުގައި ރަހީނުކޮށްގެން ގެންގުޅުނު ނަމަވެސް، އެމަނިކުފާނުގެ ހިތްވަރަކަށް ބަދަލެއް ނާދޭ. އެމަނިކުފާނު ހުންނެވީ ވަރަށް ސާބިތުކަމާއެކު ދިވެހިންގެ ގައުމު ދިވެހިންނަށް އަނބުރާ ހޯއްދަވައިދެއްވުމުގެ އަޒުމުގައި." އިދިކޮޅުން ބުންޏެވެ.
ރައީސް ޔާމީނަށް 11 އަހަރުގެ ޖަލު ހުކުމެއް ކްރިމިނަލް ކޯޓުން އިއްވީ ވ. އާރަށުގެ މައްސަލައިގައި އެމަނިކުފާނުގެ މައްޗަށް އުފުލާފައިވާ މަނީ ލޯންޑްރިންގެ ދަޢުވާ އާއި، ރިޝްވަތު ޤަބޫލުކުރުމުގެ ކުށުގެ ދައުވާ ސާބިތުވާ ކަމަށް ކަނޑައަޅުއްވައިގެންނެވެ.
ިތީސަތޭކަޕަސެންޓު ތެދު
އާޅުގަންޑުމިގޮވާލަނީރާއްޖޭގެހުރިހާރަތްޔިތުއްނާއިގައުމައްވަފާތެރިމާތްވެގެއްވާއިސްލާމުދީނައްލޯބިކުރާފުލުހުއްނާއިސިފާންއެކަތިގަޑަކައްވެގެއްސުލުހަވެރިކަމާއެކީނިކުމެރައިސްސޯލިހުގެވެރިކަންސައިޒައްތިރިކައްނިނުއްނަމާހިއްގަވާށޭގަވާދާގާނޫނުގެމަތިއްމިގޮތައްމިވެރިކައްއޮވެއްޖެނަމައަޅުގަންޑުމެއްދަރިއްގެދަރިއްނައްވެސްއިސްލާ
މީވަހުދަތުގެއްލިގެއްހިގާދާނެ.އާދޭހާއެކުމކދައްނަވަނީމާއްﷲޓަކާވެސްއެއްބާވައްތަކަމާއެކުނިކުއްނަމާހިއްގަވާ.ސުކުރިއްޔާއަޅުގަންޑީރަތްޔިތުއްނައްއަދިގައުމުދެކެލޯބިވާ.އިބުރާހިމްޒާހިރު