ކުޑަ ރަށްރަށުގެ މީހުން ތިބެންޖެހޭނީ ގައިންތާހިރު ނުވެ ކަމަށް ދެކިވަޑައިގަންނަވާނަމަ، ތިޔައީ އެމްޑީޕީގެ ފިކުރެއް ނޫން: ރޮޒައިނާ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހްގެ ސަރުކާރުން ތަރައްޤީ ގެންނަވަމުން ދަނީ ކުޑަރަށެއް ބޮޑުރަށެއް ތަފާތުކުރުމެއް ނެތިކަމަށާއި ކުޑަރަށަށް އަޅާނުލައި ކުޑަ ރަށްރަށުގެ ރައްޔިތުން ތިބެންޖެހޭނީ ގައިން ތާހިރު ނުވެކަމަށް ދެކިވަޑައިގަންނަވާނަމަ ތިއީ އެމްޑީޕީގެ ފިކުރެއް ނޫންކަމަށް ވިދާޅުވެ، މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ކުރީގެ ރައީސް މުޙައްމަދު ނަޝީދަށް ފާޑު ވިދާޅުވެއްޖެއެވެ.
ރޭ އެމްޑީޕީގެ މައި ހަރުގޭގައި ބޭއްވި "އެމްޑީޕީ ކުރިއަށް" ޖަލްސާގަައި ވާހަކަ ދައްކަވަމުން ރޮޒައިނާ ވަނީ ރައީސް ނަޝީދަށް މި ސަރުކާރުން ގެންނަމުންދާ ތަރައްޤީ ނުފެންނަކަމަށާއި، އެމަނިކުފާނު ދިރުއްވަން އުޅުއްވަނީ ކޯއްޗެއްކަން އެނގިވަޑައިނުގަންނަވާކަމަށް ވިދާޅުވެ ރައީސް ނަޝީދަށް ފާޑުވިދާޅުވެފައެވެ.
"އެމްޑީޕީގެ ފިކުރެއް ނޫން ކުޑަ ރަށަކީ. ކޯއްޗެއްކަމެއް ދިރުވަން މިއުޅެނީ އަޅުގަނޑަކަށް ހަމަ އެއްގޮތަކަށްވެސް ނުވިސްނުނު. ކުޑަރަށެއް ބޮޑުރަށަކަށް އަޅާނުލައި ކުޑަރަށުގެ މީހުން ތިބެންޖެހޭނީ ގައިންތާހިރު ނުވެކަމަށް ދެކިވަޑައި ގަންނަވާނަމަ ތިއީ އެމްޑީޕީގެ ފިކުރެއް ނޫން. އެފިކުރަކާއި ނޫން އަޅުގަނޑު އައިސް ގުޅުނީކީއެއް. އަޅުގަނޑު ގުޅުނީ މިރާއްޖޭގެ ހުރިހާ ރައްޔިތުންނަށް ހަމަހަމަކަމާއެކު އަސާސީ ހިދުމަތްތައް ދޭން ވައުދުވާ ޕާޓީއަކަށް. އެހެންވެގެން އަޅުގަނޑު މިއަދު ރައީސް އިބްރާހިމް މުހައްމަދު ޞާލިހްގެ ފަހަތުގައި މިހުރީ" ރޮޒައިނާ ވިދާޅުވިއެވެ.
ރޮޒައިނާ އިތުރަށް ވިދާޅުވީ މިސަރުކާރުން ފުވައްމުލަކަށް އެއްވެސް ތަރައްގީގެ މަޝްރޫއެއް ގެނެސްފައިނުވާ ކަމަށް ރައީސް ނަޝީދު ވިދާޅުވެފައި ވަނީ، ފުވައްމުލަކު މަގުތައް ހަދާ ތާރުގަނޑު މަތީގައި ހުންނަވައިގެންކަމަށާއި އިދިކޮޅު ފަރާތްތަކަށްވެސް ވަނީ ހަމަ އެވަރުކަމަށް ވިދާޅުވެފައެވެ.
"ފުވައްމުލަކަށް ވަޑައިގެން މަގު ހަދާ ތާރުގަނޑު މަތީ ހުންނަވައިގެން މި ވިދާޅުވަނީ ފުވައްމުލަކަށް ތަރައްގީއެއް ނާދެޔޭ. ދެން ކީކޭތޯ ދަންނަވާނީ. އެވަރުން ނުފެނުނީމަ ދެން ނުފެންނާނެ. ހަމަ އަޅުގަނޑުމެންނަށް މީދޫގައި ވެސް އެބަވޭ މިހެން. އަލަށް ރައީސް އިބްރާހިމް މުހައްމަދު ޞާލިހް ހަދާފައި އޮތް ބަނދަރަށް ޕީޕީއެމް މީހުން ފައިބާފަ އެބަ ވިދާޅުވޭ މިރަށަކަށް ކޮންކަމެއްހޭ ކޮށްދިނީ. ކުރީގައި މަގުގެ އެއްބަޔާއެކު ވީރާނާ ވެފައި އޮތް ބަނދަރަކަށް އެބޭފުޅުން ފަސް އަހަރުވަންދެން ފައިބަމުން ދިޔައިރުގައި ދެން އައިސް ޒަމާނީ ބަނދަރަކަށް ފޭބުނު އިރުވެސް ވާނުވާ ނޭނގޭ." ރޮޒައިނާ ވިދާޅުވިއެވެ.
ރޭ އެމްޑީޕީގެ ޖަހައިގައި ބޭއްވި މިޖަލްސާގައި ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި ސަރުކާރުގެ އިސްވެރިން ވަނީ ބައިވެރިވެވަޑައިގަންނަވާފައެވެ.
މިޖަލްސާގައި ވާހަކަފުޅު ދެއްކެވި ބޭފުޅުން ރައީސް ނަޝީދަށް ވަރަށް ބޮޑަށް ފާޑުކިޔުއްވާފައިވާކަންވެސް ފާހަގަކޮށްލެވެއެވެ.
ރާއްޖެ ތަރައްގީ ވިޔަ ނުދެ އިރު ރޮޒޭ މެން ތިޔަ އުޅެނީ 5 ސްޓާރ ފެންވަރަށް ވުރެ މަތީގަ ކުދި ރަށް ތަކުގަ މީހުން މިިބެނީ 1 ސްޓަރ އާ ހަމަޔަށް ވެސް ނާދެވި .ކުދިރަށް ތައް ތަރައްގީ ކޮސްދެވެން ނެތް ހާލަތުގަ ތަރައްގީގެ 5 ސްޓާއަށް ކުދި ރައށްރަށުގެ ރައްޔިތުން އުފުލިގެން ހިދުމަތް ލިބޭ ތަންތަނަށް ހިޖުރަކުރުމަށް ވެސް އެމްޑިޕީ ން ވަނީ ހުރަސް އަޅާފަ، އެމްޑީޕީން މީހަކަށް ފައިވާނަކަށް އަރުވާދިނުމަށް ވެސް 5 އަހަރު ނަގާ. އެއީ ފުރަތަމަ އަހަރު 1 ކިބަ ދެއަހަރު ބައިވީމަ އަނެއްކިބަ ދެން މިކިޔަނީ އެއްވެސް ވެރިޔަކު ކޮށް ނުދޭހާ ކަންކުރެވިއްޖެ ކަމަށް ނަމަވެސް އޭރުވެސް ރައްޔިތު މީހާއަށް ލިބުނު އާމްދަނީ އިތުރުވުމެއްނެތް.އަމިއްލަ ފައިމައްޗަށް ތެދުވެ ހިންދެމިލުމުގެ ފުރުސަތެއްނެތް.މިގައުމަށް އެމްޑީޕީ ގެވެރިކަން މި އައި 2 އަހަރު ވެސް ގައުމު މިވަނީ އިނދަ ޖައްސާފަ، ކުރިޔަށް އޮތް 50 އަހަރުވެސް ދޮވެހިގައުމަށް ކުރި އެރުމެއް އަންނަކަށެއްނެތް. ބޭސްފަރުވައާއ ތައުލީމު ވެސް ދިޔައީ ފަސަށް.
ފެންނުވަރާ ހުރެގެން ހުރެ ވާހަކަ ނުދައްކާ