ރޮޒައިނާގެ ނަޒަރުގައި، ރައީސް ނަޝީދުގެ ވެރިކަމެއްގައި، ހަމަޖެހުން ނުލިބޭނެ ސަބަބު ވިދާޅުވެދެއްވައިފި
އެމްޑީޕީގެ ރައީސް، އަދި ކުރީގެ ރައީސް މުޙައްމަދު ނަޝީދަކީ ހަލަބޮލިކަމަށް ލޯބިކުރައްވާ ބޭފުޅެއް ކަމަށް ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
މިމަހުގެ 28 ވަނަ ދުވަހު ބާއްވާ ގޮތަށް ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ރައީސް އިބްރާހީމް މުޙައްމަދު ޞާލިޙަށް ތާއީދު ކުރައްވާ ރޮޒައިނާ ވިދާޅުވީ ރައީސް ނަޝީދުގެ ވެރިކަމެއްގައި، މި ޤައުމަށް ހަމަޖެހުން ލިބުމުގެ ފުރުސަތެއް ނެތް ކަމަށެވެ.
އޭނާ ވިދާޅުވީ ހަލަބޮލި ކަމަށް ލޯބިކުރާ މީހަކަށް ޤައުމަށް ހަމަޖެހުމެއް ނުގެނެސްދެވޭނެ ކަމަށެވެ. އަދި ރައީސް ޞާލިޙު، ހަމަޖެހުމަށް ލޯބި ކުރައްވާ ކަމަށް ވިދާޅުވެ، އެމަނިކުފާނަށް، މި ޤައުމަށް ހަމަޖެހުން ގެނެސްދެވޭނެ ކަމަށްވެސް ރޮޒައިނާ ވަނީ ވިދާޅުވެފައެވެ.
އެމްޑީޕީގެ ރިޔާސީ ޕްރައިމަރީއާ ދިމާކޮށް، އެ ޕާޓީގައި މިހާރު އޮތް، ދެ ފެކްޝަނުގެ ކޯޅުން ވަނީ ބޮޑުވެފައެވެ. ރައީސް ނަޝީދު ވިދާޅުވަމުން ގެންދަވަނީ، މި ސަރުކާރުގެ ދުވެލި ލަސް ކަމަށާއި، ރައްޔިތުންނަށް ވެފައިވާ ވަޢުދުތަކެއް ނުފުއްދޭ ކަމަށެވެ. ރައީސް ޞާލިޙު ވިދާޅުވަނީ، ވެރިކަން ކުރެއްވޭނީ އެންމެންނާވެސް ގުޅިގެން ކަމަށާއި، މިހައިތަނަށް ކޯލިޝަނަކާއެކު އެންމެ ގިނަ ދުވަހު ހުންނެވުނީ އެމަނިކުފާނަށް ކަމަށެވެ.
ރޮޒޭގެ މައްސަރު ދުވަސްވަރުގެ ފޮޓޯއެއް ދޯ… ދަތްދޮޅި ކއިރީގަ އެހެރަ ބިހިތަކުން އެކަން އެނގޭ