އެމްޑީޕީ ވެރިކަމާއި ހަވާލުވިއިރު ދައުލަތުގެ އާމްދަނީއަކީ 4 ބިލިއަން ރުފިޔާ، މިހާރު 42 ބިލިއަން: ނަޝީދު
2008 ވަނަ އަހަރު އެމްޑީޕީއިން އެންމެ ފުރަތަމަ ވެރިކަމާއި ހަވާލުވިއިރު ދައުލަތުގެ އާމްދަނީ އަކީ 4 ބިލިއަން ރުފިޔާ ކަމަށާއި އެހެންނަމަވެސް މިއަހަރަށް ލަފާކުރާ ދައުލަތުގެ އާމްދަނީ އަކީ 42 ބިލިއަން ރުފިޔާ ކަމަށް ކުރީގެ ރައީސް ނަޝީދު ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީގައި ހައްދުންމައްޗައް ވަޑައިގެން ހިތަދޫގެ ރައްޔިތުންނާއި ބައްދަލުކޮށް ވާހަކަ ދައްކަވަމުން ނަޝީދު ވިދާޅުވީ ދައުލަތުގެ އާމްދަނީ އިތުރުވެފައިވަނީ ޓެކްސްގެ ނިޒާމުންކަމަށެވެ.
"ވެރިކަމުގައި އަޅުގަނޑުމެން ހަވާލުވިއިރު ދިވެހި ދައުލަތުގެ އާމްދަނީ އަކީ 4 ބިލިއަން ރުފިޔާ. 2023 ވަނަ އަހަރަށް ދައުލަތުން ލަފާކުރާ ދައުލަތުގެ އާމްދަނީ އަކީ 42 ބިލިއަން ރުފިޔާ ތިބޭފުޅުންގެ މަސައްކަތުން ހިކުމަތުން އަޅުގަނޑުމެންނަށް ދިވެހި ރާއްޖޭގައި މިވަނީ ޓެކްސްގެ ނިޒާމެއް ގާއިމު ކުރެވިފައި. އެހެންވީމާ އެނިޒާމު މެދުވެރިކޮށް ދައުލަތަށް ލިބޭ އާމްދަނީ މިވަނީ ވަރަށް ބޮޑުތަނުން އިތުރުވެފަ" ނަޝީދު ވިދާޅުވިއެވެ.
ނަޝީދު ވިދާޅުވިގޮތުގައި ޓެކްސްގެ ނިޒާމާއެކު ދައުލަތައް އިތުރު ކުރެވުނު އާމްދަނީގެ ބޭނުން ކުރުމަށް މެނިފެސްޓޯގައި ހިޔާލު ހުށައެޅިކަމަށާއި އެއާމްދަނީގެ ސަބަބުން އެމްޑީޕީގެ މެނިފެސްޓޯގައި ހުރި ސިޔާސަތުތައް ތަންފީޒުވެގެން ދިޔަކަމަށެވެ.
"އެކަނިވެރިމައިންނަށް އެއްޗެއް ދެވުނު ޔަތީމު ކުދިންނަށް އަޅާލެވުނު ނުކުޅެދޭ މީހުންނަށް އެހީތެރިކަން ފޯރުކޮށްދެވުނު ދޮށީއުމުރުގެ މީހުންނަށް ޕެންޝަނެއް ދެވުނު ހިލޭ ބޭސްފަރުވާ ކޮށްދެވުނު. ފޮތްފަންސުރު ގަލަން މަދަރުސާ ކުދިންނަށް ގަނެދެވުނު. އިޖްތިމާއީ ރައްކާތެރިކަން އަޅުގަނޑުމެންނަށް ފޯރުކޮށްދެވުނު." ނަޝީދު ވިދާޅުވިއެވެ.
ނަޝީދު އިތުރަށް ވިދާޅުވީ އެއީ މެމްޑީޕީ މެމްބަރުންގެ މަސައްކަތް ކަމަށާއި އެމްޑީޕީގެ މެމްބަރުންނަށް ކުރެވުނު މިމަސައްކަތަކީ ރާއްޖޭގެ ރައްޔިތުންނަށް ފޯރުކޮށްދެވުނު އެންމެބޮޑު ޕްރޮޖެކްޓްކަމަށެވެ. އަދި އެއީ އެއްފަހަރުކޮށް ހުއްޓާލާކަމެއް ނޫންކަމަށާއި ކޮންމެ މަހަކުވެސް ކުރަމުން އަންނަ ކަމެއްކަމަށް ނަޝީދު ފާހަގަކުރެއްވިއެވެ. އަދި މި އިނާއަތްތައްތަކުގެ ސަބަބުން އިޖްތިމާއީ ރައްކާތެރިކަން ގާނޫނީގޮތުން މިއޮތީ ކަނޑައެޅިފައިކަމަށާއި އެ ކަނޑައެޅުން އެޅީ ރައްޔިތުންއެކުގައި ކުރި މަސައްކަތުން ކަމަށް ނަޝީދު ވިދާޅުވިއެވެ.
ނަސީދު ތިޔަ ބުނަނީ ބޮޑު ދޮގެއް ، ފިނޭންސުން ބައްލަވާ. ނަސީދު ވެރިކަމާހަވާލު ވިއިރު ދަވްލަތުގެ އާމްދަނީގެ މިންވަރަކި 7 ބިލިއަން ރުފިޔާ ދަރަނި ހުރީ ދިރޭދަރަނި އެއީ ފެލިވަރުގެ ދަރަނި ކޫއްޑޫގެ ދަރަނި އައިސްޕްލާންތް ތަކުގެދަރަނި ޖުމްލަ 9 ބިލިއަން ރުފިޔާ .ނަސީދު ވަނީ 3 އަހަރުގތެރޭ ދަރަނި 26 ބިލިއަނަށް މައްޗަށް ޖައްސާފަ. އިގްތިސާދީ އެއްވެސް ކަމެއް ނުކުރޭ ރައްޔިތުން ފެލައިގެން ވެރިކަން ކުރަން ފެއްޓި މިހަކީ ނަސިދު. އޭނަ ބެރިކަމަށް އައި އިރު ދަވްލަތުގެ ރިޒާވްގެ 257 މިލިއަންޑޮލަރު ހުރި ބިދޭސީންގެ ޑިޕޮޒިޓ އެކައުންޓްގަ 11 މިލިއަން ޑޮލަރު ހުރި 3 އހަރުތެރޭ ހުރިހާ ޑޮލަރެއް ހުސްކޮށްލި ޑޮލަރުގެ ބްލެކް މާކެޓް އުެދުނު ޑޮލަރެއް 18 ރުފިޔާ އަށް އެރި ޑޮލަރުގެ ރޭޓް 12.85 ން 15.42 އަށް ބަދަލުކުރި އިސްތިއޔުފާދިންއިރު ފިނޭންސްގަ 2.5 ބިލިއަން ރުފިޔާގެ ބިލް ޕޭކުރަންޖެހިފާހުރި ،ބިދޭސީންޑިޕޮޒިތް 1.2 ބިލިއަނ ކާލި ސިވިލް ސާވިސް މުސާރައަށް 800 މިލިއންޖޭންޖެހިފާއޮތް ޖުމްލަ 30.5 ބިލިއަން ރުފިޔާ ގެ ދަރަނި ޖަމާކޮށްފަ ހަދާނެ ގޮތް ހުސްވުމުން އަތޮޅާއި ރަަށްރަށުގެ އެކައުންޓްތަކުގާހުރި 20 ބިލިއަން ރުފިޔާވެސް ބޭނުންކޮށްލި ދިރާގާއި ފެންކުންފުންޏާއި އެއަޕޯޓް ވިއްކާލި ދަވްލަތަށް ނަސީދު ދިން ގެއްލުމުގެ ސަބަބުން މިހާރު މިގައުމަށް ދަރަނީގެ މިހާލަތު އައިސްގެން މި އުޅެނީ.
ތި އަދަދު ތަށް ދިމާ ނުވޭ. ކޮމެންޓް ކުރަނީ މީހުން ގުބޯ ހައްދަން