ރައީސް ނަޝީދަށް ކެންޕެއިންކޮށްދެއްވުމަށް ފަލާޙް މަޤާމުން އިސްތިއުފާދެއްވައިފި
ސިޔާސީ މަޤާމެއް ކަމަށްވާ ޕްލޭނިން, ހައުސިން އެންޑް އިފްރާސްޓްރަކްޗަރގެ ނައިބުގެ މަޤާމުގައި ހުންނެވި އަބްދުލް ފަލާޙް އިސްތިއުފާ ދެއްވައިފިއެވެ. އޭނާ އިސްތިއުފާ ދެއްވާފައިވަނީ މި މަހުގެ ފަހު ކޮޅު އޮންނަ އެމްޑީޕީގެ ރިޔާސީ ކެންޕެއިންގައި ރަައީސް ނަޝީދަށް ކެންޕެއިންކޮށްދެއްވުމުގެ ގޮތުންނެވެ.
ކެންޕެއިން ދަތުރެއްގައި ވ. ފުލިދޫގައި ހުންނަވާ ދެއްކެވި ވާހަަކަފުޅުގައި ރައީސް ނަޝީދު ވަނީ މިކަން ކަށަވަރުކޮށްދެއްވާފައެވެ.
”އަޅުގަނޑަށް ގުޅުއްވާފައި ފަލާޙް ދެންނެވި އަޅުގަނޑުގެ ކެންޕެއިނަށް ވަގުުތު ދޭން އިސްތިއުފާ ދެއްވައިފީމޭ” ރައީސް ނަޝީދު ވިދާޅުވިއެވެ.
ފަލާޙް އެ މަޤާމަށް އައްޔަން ކުރައްވާފައިވަނީ މިދިޔަ އަހަރު ޖެނުއަރީ މަހުގެ ތެރޭގައެވެ. އޭގެ ކުރިން އޭނާ ވަނީ ފުވައްމުލަކުގެ މޭޔަރު ކަން ކުރައްްވާފައެވެ.
ރައީސް ނަޝީދުގެ ކެންޕެއިންގައި ބައިވެރިޔާ ސަރުކާރުގެ މުވައްޒިފުންނަށާއި ސިޔާސީ މަޤާމުތަކުގައި ތިއްބެވި ފަރާތްތަކަށް ބިރު ދައްކަމުން އަންނަ ކަމަށް ރައީސް ނަޝީދުގެ ޓީމުން ބުނެއެވެ. ނަމަވެސް ސިޔާސީ މަޤާމުތަކުގައި ތިއްބެވި ބައެއް ފަރާތްތައް ރައީސް ނަޝީދުގެ ކެންޕެއިން ޓީމުން މަދުން ނަމަވެސް ފެނެއެވެ.
ސާބަހޭ ފަލާޙު