ކުރީ ސަރުކާރުން ބަދަލު ކުރީ ނަންބޯޑު، މި ސަރުކާރުން ފުރިހަމަ މިކޮށްދެނީ ތިލަދުންމަތީގެ 33 އަހަރުގެ ހުވަފެން: ފައްޔާޒް
ހަނިމާދޫގެ އެއަރޕޯޓް ތަރައްޤީވެގެން އައުމަކީ ވޭތުވެދިޔަ 33އަހަރު ބޮޑުތިލަދުންމަތީގެ ރައްޔިތުން ދެކުނު ހުވަފެނެއްކަމަށް އިކޮނިމިކް މިނިސްޓަރ ފައްޔާޒް އިސްމާޢީލް ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ހަނިމާދޫ އިންޓަނޭޝަނަލް އެއަރޕޯޓް ތަރައްޤީކުރުމުގެ ޢަމަލީ މަސައްކަތް ފެށުމަށް ބޭއްވި ރަސްމިއްޔާތުގައި ވާހަކަދައްކަވަމުންނެވެ.
މި ރަސްމިއްޔާތުގައި ވާހަކަދައްވަމުން މިނިސްޓަރ ފައްޔާޒް އިސްމާޢީލް ވިދާޅުވީ، ހަނިޔާމާދޫގައި ބައިނަލްއަޤްވާމީ ވައިގެ ބަނދަރުގެ ޚިދުމަތްވެސް އެ އެއަރޕޯޓުގައި އޮތީ ނަންބޯޑުގައި އެކަނިކަމަށެވެ. އަދި ހަނިމާދޫ އެއަޕޯޓު އިންޓަނޭޝަނަލް އެއަރޕޯޓަކަށް ބަދަލުކޮށް މިވީ 10 އަހަރު، އެއަރޕޯޓްގެ ތަރައްޤީއަށް އެއްވެސް މަސައްކަތެއް ކޮށްފައި ނުވާކަން މިނިސްޓަރ ފާހަގަކުރެއްވިއެވެ.
ފައްޔާޒް އިތުރަށް ވިދާޅުވީ، އެއަރޕޯޓް ތަރައްޤީކުރިމުގައި އޮތީ ދަތުރުކުރުމުގެ ބޭނުން އެކަނި ނޫންކަމަށާއި، މިއީ އިޤްތިޞާދާ އިޖުތިމާޢީ ކުރިއެރުމަށް، ބޮޑުތިލަދުންމައްޗަށް ކޮންމެހެން ކުރަންޖެހިފައި އޮތް ކަމެއްކަމަށެވެ.
ފައްޔާޒް ވިދާޅުވީ ދެ ބިލިއަނަށްވުރެ ގިނަ ރުފިޔާ އިންވެސްޓްކޮށްގެން މި މަޝްރޫއު ކުރިއަށް ގެންދިއުމަށް ނިންމުމުން އެއީ ހަމަ ބޭނުންތެރިކަމެއްތޯ ސުވާލު އުފައްދާ, ފާޑުކިއުން އަމާޒުވި ކަމަށެވެ ނަމަވެސް މިއީ ކޮންމެވެސް ހިސާބަކުން ފަށަންޖެހޭ ކަމެއްކަމަށް މިނިސްޓަރ ވިދާޅުވިއެވެ. އެކަން ފުރިހަމަކުރާނީ މި ސަރުކާރުންކަމަށްވެސް މިނިސްޓަރ ވިދާޅުވިއެވެ.
ހަނިމާދޫ އިންޓަރނޭޝަނަލް އެއަރޕޯޓް ތަރައްޤީކުރުމުގެ މަޝްރޫޢަކީ ރާއްޖޭގެ ތާރީޚުގައިވެސް މާލެ ސަރަޙައްދުން ބޭރުގައި ސަރުކާރުން ހިންގާ އެންމެ ބޮޑު މަޝްރޫއެވެ. އިންޑިއާގެ އެގްޒިމްބޭންކުގެ ލޯނު ފައިސާއިން ކުރިއަށްގެންދާ 2.1 ބިލިއަން ރުފިޔާގެ ބިޔަ މި މަޝްރޫޢު ކޮންޓްރެކްޓްކޮށްފައި ވަނީ އިންޑިއާގެ ޖޭއެމްސީ ޕްރޮޖްކްޓްސްއާ އެވެ. ބައިނަލްއަޤްވާމީ ދަތުރުތައް ފުޅާކުރުމަށް ބޭނުންވާ ވަޞީލަތްތަކާއެކު ބޮޑެތި މަތިންދާބޯޓުފަހަރަށް ޖެއްސޭވަރުގެ 2460 މީޓަރުގެ އާ ރަންވޭއެއް މި އެއަރޕޯޓުގައި ތަރައްޤީކުރެވޭނެއެވެ. އަދި ދިވެހިވަންތަ ސިފައަކަށް ފަރުމާކޮށްފައިވާ ޒަމާނީ ޓާރމިނަލަކާއެކު އެއަރޕޯޓް ތަރައްޤީކުރެވިގެންދާނީ އަހަރަކު 1.3 މިލިއަން ފަސިންޖަރުންނަށް ޚިދުމަތްދެވޭގޮތަށެވެ.
ރަންކޮޅާ އެތަން އިންޑިޔާއަށް ދިނުމުގެ ބިރުވެރި ހުވަފެން ދެކޭކަށް ދިވެހީން ބޭނުމެއް ނުވޭ ކަލޭތީ ގައްދަރެއް
ނަމާ ނަންބޯޑުން ތަންތަން ދެނެގަނެވޭނީ،ހުވަފެނަކީބިލާހެއް.