މައިންބަފައިންނަށް އިހާނާތްތެރިކޮށް ހިތާމީހާ އަށް ދުނިޔެމަތީގައި އުގޫބާތް ލިބޭނެ: ޚުތުބާ
މައިންބަފައިންނަށް އިހާނާތްތެރިކޮށް ހިތާމީހާ އަށް އާހިރަތް ދުވަހުގެ ކުރިން، ދުނިޔެމަތީގައި ވެސް އުގޫބާތް ލިބޭނެ ކަމަށް ޚުތުބާގައި ބުނެފިއެވެ.
މިއަދުގެ ހުކުރު ޚުތުބާގައި އަލިއަޅުވާލައިފައިވާ މައުޟޫއު އަކީ “މައިންބަފައިންނަށް ކަމޭހިތުން" މިއެވެ.
ހުތުބާގައި ބުނެފައިވަނީ މައިންބަފައިންނަށް ކަމޭހިތުމަކީ ދަރިންގެ މައްޗަށް ވާޖިބު ކަމެއް ކަމަށެވެ. އަދި އާއިލާ ބެލެހެއްޓުމަށް ބުރަ މަސައްކަތް ކުރުމާއި ދަރިންނަކީ ހެޔޮލަފާ ރަނގަޅުބަޔަކަށް ހެދުމަށްޓަކައި ބައްޕައިން ހޭދަކުރާ ވަގުތާއި ފައިސާ އަކީ ވަރަށް އިހްލާސްތެރި މަގްސަދެއްގައި ކުރާ ހޭދައެއް ކަމަށެވެ.
އަދި މައިންބަފައިން އެދެނީ، އެމީހުންނަކީ ލަފާދާރު، ކިޔަމަންތެރި، ޞާލިޙް ބަޔަކަށް ވުމަށް ކަމަށާއި މާތްاللهގެ މަގުގައި ޖިހާދަކުރުމަށް ވުރެވެސް މާތްކަން ބޮޑީ މައިންބަފައިންނަށް ހިދުމަތްކުރުން ކަމަށް ޚުތުބާގައި ބުންޏެވެ.
މީގެ އިތުރުން ބައެއް ދަރިން އެމީހުންގެ މައިންބަފައިން އުމުރުން ދުވަސްވުމުން ދޫކޮށްލާ މަންޒަރު ފެންނަ ކަމަށާއި އެކަމަކީ ހިތާމަހުރި ކަމެއް ކަމަށް ޚުތުބާގައި ބުންޏެވެ.
