ރައީސް ނަޝީދުގެ ގައިގައި ބައްދާލައިގެން ރުއީ ޖޭޕީގެ މެމްބަރެއް: ރޮޒައިނާ
އެމްޑީޕީގެ ރިޔާސީ ޕްރައިމަރީގެ ކެމްޕެއިނުގައި، އެ އިންތިޚާބުގައި ވާދަކުރެއްވި ރައީސް މުޙައްމަދު ނަޝީދު ރަށަކަށް ވަޑައިގެންނެވުމުން، އެ މަނިކުފާނުގެ މޭމަތީގައި ބޯ އަޅައިލައިގެން ރޯން އޮތީ ޖުމްހޫރީ ޕާޓީގެ މެމްބަރެއް ކަމަށް، ރައީސް އިބްރާހީމް މުޙައްމަދު ޞާލިޙުގެ ފެކްޝަނުގެ، އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރައީސް ނަޝީދަކީ އެންމެ ކުރިންސުރެ، އެ މަނިކުފާނުގެ ސަޕޯޓަރުން ވަރަށް ގާތްކޮށް ގެންގުޅުއްވި ބޭފުޅަކަށް ވުމުން، މިދިޔަ މަހުގެ 28ގައި ބޭއްވި ޕްރައިމަރީގެ ކެމްޕެއިނުގައިވެސް އެ މަންޒަރުތައް ފެނިގެން ދިޔައެވެ. ރައީސް ނަޝީދުގެ ފިކުރު ޕްރޮމޯޓް ކުރަމުން އަންނަ "ހަސަން ކުރުސީ"ގެ ޓްވިޓަރ އެކައުންޓުން ވަނީ، މިދިޔަ ޖެނުއަރީމަހުގެ 14 ވަނަ ދުވަހު، އުމުރުން ދުވަަސްވީ މީހަކު، އޭނާގެ ޝަކުވާތައް ބަންޑުންކޮށްލައި، ނަޝީދުގެ އަރިހުގައި ރޯންއިން މަންޒަރު ފެންނަ ވީޑިއޯ ހިއްސާ ކޮށްފައެވެ.
ކުރިންވެސް ވައިރަލްވި މި ވީޑިއޯއަށް ރޭގެ ވަގުތެއްގައި ކޮމެންޓް ކުރައްވައި، ރޮޒޭ ވަނީ ވީޑިއޯއިން ފެންނަނީ ޖުމްހޫރީ ޕާޓީގެ މެމްބަރެއްކަން ރައީސް ނަޝީދަށް އެނގިވަޑައިނުގަންނަވަނީތޯ ސުވާލު ކުރައްވައިފައެވެ.
ރައީސް އިބްރާހީމް މުޙައްމަދު ޞާލިޙު އެމްޑީޕީގެ ޕްރައިމަރީ ކާމިޔާބު ކުރެއްވީ ވޯޓުލީ މީހުންގެ ތެރެއިން 24،572 ވޯޓު ހޯއްދަވައިގެންނެވެ. އެ މަނިކުފާނުގެ ވާދަވެރި ކެންޑިޑޭޓް އަދި އެމްޑީޕީގެ ރައީސް މުޙައްމަދު ނަޝީދަށް ލިބިވަޑައިގަތީ 15،631 ވޯޓެވެ.
މިއީ 39 އިންސައްތައެވެ. ލިިިބިވަޑައިގެންނެވި ނާކާމިޔާބީއަށްފަހުގައި، ރައީސް ނަޝީދު މިހާރު މަސައްކަތް ކުރައްވަމުން ގެންދަވަނީ "ފިކުރެއްގެ ދިރުން" ގޮފިތަކަށް މެމްބަރުން އިތުރު ކުރެއްވުމަށެވެ.
ނަޝީދަށް ތާއީދު ކުރާ ފަރާތްތަކުން، ގޮފި ރަޖިސްޓްރީ ކުރުމަށް ފޯމް ފުރަން ފަށައިފައިވާއިރު، އެންމެ ފުރަތަމަ ފޯމު ފުރްވި ފަރާތްތަކުގެ ތެރޭގައި، ނަޝީދުގެ އަރިސް ބޭފުޅެއް ކަމުގައިވާ، ރައްޔިތުންގެ މަޖިލިހުގެ ނާއިބު ރައީސާ އީވާ އަބުދުﷲގެ އިތުރުން އެހެން ބައެއް މެމްބަރުންވެސް ހިމެނެއެވެ.
ބުތ ހެ ިސަ
މަަލދިވިަނ