ޕީޕީއެމްގެ ރިޔާސީ ކެންޑިޑޭޓަކީ ރައީސް ޔާމީން: ޝަހީމް

އިދިކޮޅު ޕީޕީއެމްގެ ރިޔާސީ ކެނޑިޑޭޓަކީ ކުރީގެ ރައީސް އަބްދުﷲ ޔާމީން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

Ads by STELCO

ޝަހީމް ކުރެއްވި ޓްވީޓެއްގައި މިފަދައިން ވިދާޅުވީ ޝެއިޚް އަލީ ޒައިދު ޓްވިޓާގައި ކުރެއްވި ސުވާލަކަށް ރައްދު ދެއްވަމުންނެވެ.

ޒައިދު ކިރެއްވި ޓްވީޓެއްގައި ވަނީ ޕީޕީއެމް ޓިކެޓް ލިބެނީ ކޮން ބޭފުޅަކަށްތޯ ސުވާލު ކުރައްވާފައެެވެ. އެ ސުވާލަށް ޖަވާބުދެއްވަމުން ޝަހީމް ވިދާޅުވީ ޕީޕީއެމްގެ ރިޔާސީ ކެނޑިޑޭޓަކީ ރައީސް ޔާމީން ކަމަށެވެ.

ޝަހީމް މިފަދައިން ވިދާޅުވިއިރު ރިޔާސީ އިންތިހާބާއި ގުޅިގެން "ހޯޕް" ގެ ނަމުގައި މި މަހުގެ 2 ގައި ޕީޕީއެމުން ފެށި ކޮންފަރެންސް އިއްޔެ ވަނީ ނިންމާލައިފައެވެ. އަދި ރޭ "ދުއްޕާން" ގެ ނަމުގައި ޕީޕީއެމް ވަނީ ބޮޑު ޖަލްސާއެއް ބާއްވާފައެވެ.