ރައީސް ޞާލިޙަށް ރިޔާސީ ޓިކެޓް ހަވާލުކުރުން ހުކުރު ދުވަހު

ރައީސް އިބްރާހީމް މުހައްމަދު ސޯލިހަށް އެމްޑީޕީގެ ރިޔާސީ ޓިކެޓު އަންނަ ހުކުރު ދުވަހުގެ ރޭ ހަވާލުކުރާނެ ކަމަށް އެ ޕާޓީން ވިދާޅުވެއްޖެއެވެ.

Ads by Sosun Fihaara

ރިޔާސީ ޓިކްޓު ރައީސަށް އެރުވުމަށް ކާނިވާ ސަރަހައްދުގައި ހާއްސަ ޖަލްސާއެއް ބޭއްވުމަށް ވަނީ ހަމަޖެހިފައެވެ.

އެމް.ޑީ.ޕީގެ ރިޔާސީ ކެނޑިޑޭޓަކު ހޮވުމަށް ބޭއްވި ޕްރައިމަރީ އިންތިޚާބު، ރައީސް މުޙައްމަދު ނަޝީދާއި ވާދަކުރައްވާ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ކާމިޔާބުކުރެއްވީ ތަފާތު ބޮޑު ނަތީޖާއަކާއެކުއެވެ.

މުޅި ޕްރައިމަރީގެ ނަތީޖާ ދައްކާގޮތުން ހުރިހާ އަތޮޅަކުންވެސް ކުރި ހޯއްދެވީ ރައީސް އިބްރާހީމް މުޙައްމަދު ޞާލިހެވެ. މުޅި އިންތިޚާބުން ރައީސް ޞާލިޙަށް ލިބިވަޑައިގަތީ %61 ވޯޓެވެ. އެއީ 24،572 ވޯޓެވެ. މި އިންތިޚާބުން ރައީސް ނަޝީދަށް ލިބިވަޑައިގަތީ %39 ވޯޓެވެ. އެއީ 15،631 ވޯޓެވެ.