ރިޔާސީ އިންތިޚާބުގައި އެކުގައި ތިއްބެވުމަށް އެދި ކޯލިޝަން ޕާޓްނަރުންނަށް ރައީސް ޞާލިޙްގެ ސިޓީފުޅެއް
ސަރުކާރު ކޯލިޝަންގައި ހިމެނޭ ޕާޓީތަކަށް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ސިޓީފުޅެއް ފޮނުއްވައިފިއެވެ.
މި ސިޓީފުޅުގައި ރައީސް ޞާލިޙްވަނީ މިއަހަރުގެ ރިޔާސީ އިންތިޚާބުގައި އެކުގައި މަސައްކަތް ކުރެއްވުމަށް ދައުވަތު ދެއްވާފައެވެ. މިގޮތުން ސަރުކާރު ހިންގާ ކޯލިޝަންގައި ހިމެނޭ ތިން ޕާޓީގެ އިސް ބޭފުޅުންނަށް ރައީސް ޞާލިޙް ސިޓީއެއް ފޮނުއްވާފައިވެއެވެ.
އެމްޑީޕީއަށް ކޯލިޝަން ހެދުމުގެ ބާރު ލިބިވަޑައިގަންނަވާނީ، އެ ޕާޓީގެ ރިޔާސީ ކެންޑިޑޭޓަށް ކަމަށް، އެމްޑީޕީގެ ޤައުމީ މަޖިލީހުން ވަނީ ކަނޑައަޅައިފައެވެ. އެއާއެކު އެ ބާރު އޮތީ ރައީސް ޞާލިޙަށެވެ.
ކޯލިޝަންގައި ހިމެނޭ ޖުމްހޫރީ ޕާޓީ އާއި އަދާލަތު ޕާޓީ އަދި އެމްއާރުއެމްއިން އަދި މިހާތަނަށް ރިޔާސީ އިންތިޚާބުގައި ތާއީދު ކުރާނެ ވަކި ޕާޓީއެއް ހާމަކޮށްފައެވެ.
ރިޔާސީ އިންތިޚާބުގައި ވާދަކުރާނެކަން ހާމަކޮށްފައިވަނީ އެމްޑީޕީގެ އިތުރުން އެމްއެންޕީ، އެމްޑީއޭ އަދި އިދިކޮޅު މައި ޕާޓީ ޕީޕީއެމްއިންނެވެ.
