ރައީީސް ޔާމީންގެ ދެވަނަ ދައުރު، މި އަހަރު ފެށިގެންދާނެ: ޖަމީލު

އިދިކޮޅު ލީޑަރު، ރައީސް ޔާމީން އަބްދުލްޤައްޔޫމްގެ ދެވަނަ ދައުރު މި އަހަރު ފެށިގެންދާނެ ކަމަށް އެ މަނިކުފާނުގެ ވެރިކަމުގައި ނައިބު ރައީސްގެ މަޤާމުގައި ހުންނެވި ޑރ.މުޙައްމަދު ޖަމީލު އަޙުމަދު ވިދާޅުވެއްޖެއެވެ.

Ads by STELCO

ޖަމީލު މިހެން ވިދާޅުވެފައިވަނީ، ރައީސް އިބްރާހީމް މުޙައްމަދު ޞާލިޙު، ޔޫއެންގައި ތަޤުރީރު ކުރެއްވިއިރު، އުނދަގޫ ބައެއް ބަސްތައް ދިވެހި ބަހުން ލިޔުއްވައިގެން ތަޤުރީރު ކުރެއްވި ކަމަށް ބުނެ ޝާއިޢު ކޮށްފައިވާ ޚަބަރެއް ހިއްސާ ކުރައްވައި ފޭސްބުކްގައި ލިޔުއްވި ސްޓޭޓަސްއެއްގައެވެ.

އެ މަނިކުފާނު ވިދާޅުވީ، ރައީސް ޔާމީންގެ ވެރިކަމާ، މި ވެރިކަމާ އަޅާ ކިޔައިލުމުން ފެނިގެންދަނީ އެނގުމާއި، ނޭނގުމުގެ ތަފާތު ކަމަށެވެ. ތަންދޮރު ނޭނގުމާއި ހުނަރު ވެރިމީހާގެ ކިބައިގައި ނެތުމުން، އެކަން ތަހައްމަލު ކުރާނީ ޤައުމު ކަމަށެވެ.

"ރައީސް ޞާލިޙުގެ ހާލަތަށް ޤައުމު ވެއްޓުން ލާޒިމެއް ނޫން. އެނގުމާއި ނޭނގުމުގެ ތަފާތު."

ޖަމީލު އިތުރަށް ވިދާޅުވެފައި ވަނީ، މިއީ ދިވެހި ޤައުމަށް ހައްޤު މިންވަރު ނޫން ކަމަށެވެ.

ޖަމީލަކީ ރައީސް ޔާމީންގެ އެންމެ އިސް ޤާނޫނީ ވަކީލެވެ. އެ މަނިކުފާނަށް އިއްވި 11 އަހަރުގެ ޙުކުމް ހައި ކޯޓުގައި އިސްތިއުނާފު ކޮށްފައިވާއިރު، ރާއްޖޭގެ ދަށު ކޯޓުގެ ފަނޑިޔާރުންގެ ފެންވަރާ މެދުގައި ޖަމީލު ވަނީ ކަންބޮޑުވުން ފާޅުކުރައްވައިފައެވެ.