ޝިޔާމް އިމްރާނަށް: ތިޔަ ކުރަނީ ބާޒާރުން ރަނގަޅު އަގެއް ހޯދުމުގެ މަސައްކަތް
ސަރުކާރު ކޯލިޝަނުގައި ހިމެނޭ އަދާލަތު ޕާޓީން ވަރަށް ރަނގަޅަށް ހިސާބު ޖަހައިފައިވާ ކަމަށާއި، މި އަހަރު ބާއްވާ ޮރިޔާސީ އިންތިޚާބު އެ ޕާޓީއާ، އެމްޑީއޭއާއެކު، އެމްޑީޕީއަށް ކާމިޔާބު ކުރެވޭނެ ކަމަށް، އަދާލަތު ޕާޓީގެ ރައީސް، އަދި މި ސަރުކާރުގެ ހޯމް މިނިސްޓަރު އިމްރާން ވިދާޅުވި ވާހަކައަށް ޕީޕީއެމްގެ ނައިބު ރައީސް، އަދި ރައްޔިތުންގެ މަޖިލީހުގެ ނައިފަރު ދާއިރާގެ މެމްބަރު އަޙްމަދު ޝިޔާމް ރައްދު ދެއްވައިފިއެވެ.
ސަރުކާރާއެކު ކޯލިޝަން ހަދައިގެން ހުރި ޖޭޕީން، ސެޕްޓެމްބަރު މަހުގެ ނުވަ ވަނަ ދުވަހު ބާއްވާ ރިޔާސީ އިންތިޚާބުގައި ވާދަ ކުރަން ވަނީ ނިންމައިފައެވެ. ޖޭޕީ އަކީ އެމްޑީޕީއާ ޕީޕީއެމަށްފަހު، އެންމެ މެމްބަރުން ގިނަ ޕާޓީއެވެ.
އެ ޕާޓީން އިންތިޚާބުގައި ވާދަ ކުރަން ނިންމިއިރު، ކޯލިޝަން ހެދުމުގެ ދަޢުވަތު ރައީސް އިބްރާހީމް މުޙައްމަދު ޞާލިޙު އެ ޕާޓީއަށް ވަނީ ދެއްވައިފައެވެ.
އިމްރާާން ވިދާޅުވެފައިވަނީ، 51.2 އިންސައްތައިން، ރައީސް ޞާލިޙަށް ރިޔާސީ އިންތިޚާބު ކާމިޔާބު ކުރެވޭނެ ކަމަށެވެ.
އިމްރާނަށް ރައްދު ދެއްވައި، ޝިޔާމް ކުރެއްވި ޓްވީޓުގައި ވިދާޅުވެފައިވަނީ، ކުރިއަށް އޮތް ހަތަރު މަސް ތެރޭގައި އަދާލަތު ޕާޓީގެ ތޮށިގަނޑުވެސް ކޮޅު ބަދަލު ކުރާނެ ކަމަށެވެ.
"ތިޔަ ކުރަނީ ބާޒާރުން ރަނގަޅު އަގެއް ހޯދުމުގެ މަސައްކަތް. އެކަމަކު މިފަހަރު ވާނީ ބާކި."
ޝިޔާމް އިތުރަށް ވިދާޅުވީ، ރައީސް ޔާމީން، މި ފަހަރުގެ ރިޔާސީ އިންތިޚާބު ބޮޑުތަނުން ކާމިޔާބު ކުރައްވާނެ ކަމަށެވެ.
ތިޔަތާގެ ގޮޅީގައި ވެސްސޭލް ގޮނޑީގައިވެސް ސޭލް އަޅުވާފަ އޮތީ ބޮގް ބާޒާރުގެ ބޮގް ނީލަން ފިހާރަ !