ޤާސިމް ވިދާޅުވީ ޕާޓީން ވަކިވަނީ މަޤާމު ދިފާއުކުރައްވަން ކަމަށް
ޖުމްހޫރީ ޕާޓީގެ ސްލޮޓްތަކުގައި ސަރުކާރުގެ ވަޒީފާތަކުގަިއ ތިއްބި މީހުންގެ ތެރެއިން ވަޒީފާގެ ބޭނުމަށް މަޤާމުތައް ދިފާއުކުރައްވާ ބޭފުޅުން ޖުމްހޫރީ ޕާޓީ ބަދުނާމު ނުކޮށް، ޕާޓީން ވަކިވުމަކީ ރީތި ގޮތްކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
ރިޔާސީ އިންތިޚާބުގައި ޖުމްހޫރީ ޕާޓީގެ ފަރާތުން ޤާސިމް ވާދަކުރަން ނިންމި ހިސާބުން ސަރުކާރުގައި ތިބި ޖުމްހޫރީ ޕާޓީގެ ބައެއް ބޭފުޅުން ދަނީ އެކި ތުހުމަތުކޮށް ޖުމްހޫރީ ޕާޓީން ވަކިވަމުންނެވެ. ޖޭޕީން ވަކިވާ ބައެއް ބޭފުޅުން އެޕާޓީއާއިމެދު ކުރަމުންދާ ތުހުމަތުތަކަށް ރައްދު ދެއްވައި ޤާސިމް ވިދާޅުވީ އެއްވެސް ހަގީގަތެއްގެ ނެތް ވާހަކަ ނުދައްކައި އަމިއްލަ މަޤާމު ދިފާކުރައްވަން ބޭނުންނަމަ ރީތި ގޮތުގައި ޕާޓީން ވަކިވެވޭނެކަމަށެވެ.
ޕާޓީއާއި، ޕާޓީގެ ލީޑަރޝިޕްގެ އަގުވައްޓާލަން އެކި ތުހުމަތުކޮށް، ޕާޓީ ބަދުނާމުނުކޮށްވެސް ރީތި ގޮތުގައި ޖުމްހޫރީ ޕާޓީން ވަކި މަޤާމުތަކުގައި ދެމިތިބެވިދާނެކަމަށް ޤާސިމް ވިދާޅުވިއެވެ.
ސަރުކާރުގެ މަޤާމުތަކުގައި ތިއްބެވި ޖޭޕީގެ ބައެއް ބޭފުޅުން އެ ބޭފުޅުންގެ މަޤާމު ދިފާޢުކުރެއްވުމުގެ ނިޔަތުގައި ޕާޓީއާއި ޕާޓީގެ ލީޑަރޝިޕް ބަދުނާމު ނުކުރައްވާ، ކަމުގެ ހަޤީޤަތާއި އެއްގޮތަށް ވަޒީފާގެ ބޭނުމަށްޓަކައި ޕާޓީން ވަކިވާކަން ޢިއްލާން ކުރެއްވުން ކީއްތޯ!؟
– ޤާސިމް ވިދާޅުވިއެވެ.
ޤާސިމް މިފަދައިން ވިދާޅުވީ މިއަދު އެޕާޓީން ވަކިވެ ސޮބާހު ރަޝީދު ދެއްކެވި ވާހަތަކާއި ގުޅިގެންކަމަށް ބެލެވެއެވެ. ޖޭޕީގެ ސެކްރެޓަރީ ޖެނެރަލް އަލީ އާރިފަށް ފޮނުއްވި ސިޓީއެއްގައި، ސަބާހު ވިދާޅުވީ ޖޭޕީގައި މި ވަގުތު އޮތް އޮއިވަރުގެ ތެރެއިން ނިންމާ ނިންމުންތަކުގެ ސަބަބުން ޖުމްހޫރީ ޕާޓީގެ އަމިއްލަ ވަންތަކަން ގެއްލި، ގައުމީ މަސްލަހަތަށް ކުރާ ނޭދެވޭ އަސަރު އަދި ޖުމްހޫރީ ޕާޓީ އާއި ގާސިމަށް ސިޔާސީ ގޮތުން ލިބޭ އިޔާދަނުކުރެވޭ ގެއްލުން ތަހައްމަލުކުރަން އުނދަގޫ ކަމަށެވެ.
މަޤާމަށްޓަކައި ކަންތައް ކުރަން ޖެހެނީ ތިމާމެން ކަމަށް ދެކޭ ރާއްޖޭގެ ވެރިކަން ބޭނުންވެގެން އުޅޭ ޤާސިމުމެން އަންނި މެންކަހަލަ މީހުން މި މަލާތް ކުރަނީ ދަށް ވަޒީފާގައި ތިބި، އެ މަޤާމު ތަކުން ލިބޭ އާމްދަނީ އިންކައިބޮއެ ހަދާ މީހުން ވަޡީފާއަށްޓަކައި ގޮތެއް ނިންމާތީ އެވެ. ވަޒީފާ ލިބިގަތުމުގެ ބޭނުމުގައި ފިޔަވަޅެއް އެޅުމަކީ އާދައިގެ މީހުނަށް ވަރަށް ހުތުރު ކަމެއްކަމަށް ދައްކަން އުޅުމަށްވުރެ، އެމީހުނަށް އެހެންގޮތެއް ނޯންނާނެ އޭ ، ކޮސް މިހަދަނީ ތިމާމެންނޭ ބުނިއްޔާ މާރަގަޅުވާނެ އެވެ. ރައްޔިތުންގެ ވިންދު އިޙްސާސް ވާ ބައެއްކަމުގައިވެސް އޭރުން ބެލިދާނެ. މި އެދުންވެރިންގެ ކޮށި ވިސްނުމާހެދި މަ ހަމަ ކޮސްވޭ.
އެއެންމެން އެކެޑެނީ ވަޒީފާގެ ބޭނުމުގައި ކަމުގައި ބުނުމުން އެގޭ އެއްޗަކީ އެ އެންމެނަށްވެސް އަދި ގާސިމަށް ވެސް ކުރިޔަށް އޮތް ފަސްއަހަރުވެސް ވެރިކަމުގައި އިބޫ ހުންނާނެ ކަމުގައި ހަބޫލު ކުރެވޭ ކަމެވެ.