އިމުގެ މައްސަލައިގައި އިދިކޮޅުން ދެއްކީ ދޮގުވާހަކަކަން އިންސާފަށް ލޯބިކުރާ ކޮންމެމީހަކަށް ސާފުވެއްޖެ: އިމްރާން

އިމުގެ މައްސަލައިގައި ފެށުނީއްސުރެ އިދިކޮޅުން ދެއްކީ ދޮގުވާހަކަކަން އިންސާފަށް ލޯބިކުރާ ކޮންމެމީހަކަށް ސާފުވެއްޖެކަމަށް ހޯމްމިނިސްޓަރ އިމްރާން އަބްދުﷲ ވިދާޅުވެއްޖެއެވެ.

Ads by STELCO

މިނިސްޓަރ އިމްރާން މިހެން ވިދާޅުވީ އިމުގެ މައްސަލަ ރާއްޖެއިން ކާމިޔާބުކޮށްފި ކަމަށްބުނެ ނޫހެއްގައި ލިޔެފައިވާ ހަބަރެއް ޓްވިޓާގައި ހިއްސާ ކުރައްވައެވެ.

"މި މައްސަލަ ފެށުނީއްސުރެ އިދިކޮޅު ފަރާތްތަކުން ދައްކަމުން ގެންދިޔަ ވާހަކަތަކަކީ ހަގީގަތެއް ނޫންކަން އިންސާފަށް ލޯބިކުރާ ކޮންމެ މީހަކަށް މިއޮތީ ސާފުވެފަ" މިނިސްޓަރ އިމްރާން ވިދާޅުވިއެވެ.

އިޓްލޮސްގައި މިއަދު ކުރިއަށް ދިޔަ އަޑުއެހުމުގައި އިއްވި ހުކުމްގައި ބުނީ ރާއްޖެ އާއި ޗާގޯސްއާ ދެމެދުގައިވާ ފުށުއަރާ ކަނޑުގެ ސަރަހައްދު ބެހުމުގައި ބަލަން ޖެހޭނީ ރާއްޖޭން ވަކާލާތުކުރި ގޮތަށް ޗާގޯސްގެ އައްސޭރިފަށުން ފެށިގެން ކަމަށެވެ.