ޗާގޯސް ހޯދާނެކަމަށް ބުނެ މޮޅު ވާހަކަ ދައްކަނީ ސިޔާދަތު ރައްކާކުރަން ޖެހިއްޖެނަމަ މައިދާން ދޫކޮށް ފިލާނެކަން ޔަޤީންވާ ބޭފުޅުން: އިމްރާން
ޗާގޯސް ހޯދާނެކަމަށް ބުނެ މޮޅު ވާހަކަ ދައްކަނީ ސިޔާދަތު ރައްކާކުރަން ޖެހިއްޖެނަމަ މައިދާން ދޫކޮށް ފިލާނެކަން ޔަގީންވާ ބައެއް ބޭފުޅުން ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
އިމްރާން މިހެން ވިދާޅުވީ ޗާގޯސް އަނބުރާ ހޯދުމުގެ މަސައްކަތް ކުރާނެ ކަމަށް ސަރުކާރާއި އިދިކޮޅު ފަރާތްތަކުން ބުނަމުން އަންނަ ދަނޑިވަޅެއްގައެވެ.
"ބޮޑު ޤުރުބާނީއެއް ވެގެން، ބުރައެއް އުފުލައިގެން ރާއްޖޭގެ މިނިވަން ކަމާއި ސިޔާދަތު ރައްކާތެރިކުރަން ޖެހިއްޖެނަމަ އަޅުގަނޑުމެން މައިދާން ދޫކޮށް ދުވެ ފިލާނެކަން ޔަޤީންވާ ބައެއް ބޭފުޅުން ޗާގޯސް ހޯދާނަމޭ ބުނެ މޮޅުވާހަކަ ދެއްކުމުން ވެގެން އުޅޭ ގޮތް ގިނަ ދިވެހިންނަށް ސާފުވޭ" އިމްރާން ވިދާޅުވިއެވެ.
ގެއްލިގެންދިޔަ ކަނޑުގެ ސަރަޙައްދު އަނބުރާ ލިބޭނެ އެއްވެސް ގޮތެއް އޮތްތޯ ބެލުމުގެ ދިރާސާތައް ކޮށް އެކަން ކުރެވޭ މަގަށް މަސައްކަތް ކުރަމުން އަންނަ ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހީމް އިއްޔެ ވަނީ ވިދާޅުވެފައެވެ. އަދި އިދިކޮޅު ޕީޕީއެމުންވެސް ވަނީ ރާއްޖޭގެ ކަނޑުގެ ސަރަހައްދުން ގެއްލުނު ބައި އަނބުރާ ހޯދާނެކަމަށް ބުނެފައެވެ.
ޝެއުޚު އިމްރާނު އިސްލާމްދީނާއި އދީނުގެ ސިޔާދަތު ދމެހެއްޓުމުގެ ބަދަލުގައި ކަލޯ މަގާމުގެ ދަހިވެތިކަމުގަ އިސްލާމް ދީނާއި އެދީނުގެ ސިޔާދަތު ނުވިއްކަންތޯ؟އިސްލާމީ މައިދާން ދޫކޮށް ލާދީނީ މައިދާނަށް ނުދަންތޯ؟ބަދަލު ނުވަންތޯ؟
މޭޑޭގައި ހުރިހާ މީހުންވެސް ފިލީ !