ބޮޑު އީދުގައި މާލެ ސިޓީ ކައުންސިލުން 100 ބަކަރި ކަތިލައި އާންމުންނަށް ބަހަނީ

ކައުންސިލުން ނިންމާފައި އޮތީ އަންނަ ބޮޑު އީދުގައި 100 ބަކަރި ކަތިލައި މާލެ ސިޓީގެ ރައްޔިތުންނަށް ބެހުމަށް ކަމަށާއި އޭގެތެރޭގައި ކުޑަކުދިންގެ ހިޔާ ކަހަލަ ތަންތަން ވެސް ހިމެނޭނެ ކަމަށް ސިޓީ ކައުންސިލުން ވިދާޅުވިއެވެ.

މެދުހެންވޭރު ދާއިރާގެ ކައުންސިލަރު އާދަމް ރަމީޒް ވިދާޅުވީ ސްޕޮންސާގެ ގޮތުގައި، ފައިސާގެ އެހީ ލިބޭތޯ މިހާރުވެސް މަސައްކަތް ކުރަމުންދާ ކަމަށެވެ.

“ސިޓީ ކައުންސިލުން ޕްލޭންކޮށްފައި އޮތީ 100 ބަކަރި ކަތިލަން. ކަތިލައިފައި މާލެ ސިޓީ ރައްޔިތުންނަށް ބެހުމަށް. އޭގެ ތެރޭގައި ކުޑަކުދިންގެ ހިޔާ ކަހަލަ ތަންތަން ހިމެނޭ. އަޅުގަނޑުމެން މިހާރު މަސައްކަތް ފައްޓައިގެން މި އުޅެނީ ސްޕޮންސާގެ ގޮތުގައި، ފައިސާގެ އެހީ ލިބޭތޯ“ ރަމީޒު ވިދާޅުވިއެވެ.