އެސްޓީއޯއިން "ދޮވުނީ ހިކުނީ"ގެ ނަމުގައި ޕްރޮމޯޝަނެއް ފަށަައިފި
އެސްޓީއޯއިން "ދޮވުނީ ހިކުނީ"ގެ ނަމުގައި ޕްރޮމޯޝަނެއް ފަށައިފިއެވެ.
މި ޕްރޮމޯޝަން ކުރިޔަށްދާނީ މެއި މަހުގެ 22 އިން ފެށިގެން 22 ޖޫންގެ ނިޔަލަށެވެ. މި ޕްރޮމޯޝަންގެ ދަށުން މެޝިނާއެކު ހިލޭ މައިކްރޯވޭވްއެއް ލިބިގެންދާނެ ކަމަށް އެސްޓީއޯއިން ވިދާޅުވިއެވެ.
ހިޓާޗީ ދޮންނަ މެޝިންގެ ހަތަރު މޮޑަލްއެއް އެސްޓީއޯއިން މިހާރު ވިއްކަމުންދާއިރު މި މޮޑެލްތަކުގެ ތެރޭގައި ދޮވުމުގެ ގާބިލްކަން 8 ކިލޯއިން ފެށިގެން 10.5 ކިލޯއާ ހަަމައަށް އަދި ހިއްކުމުގެ ގާބިލްކަން 5 ކިލޯއިން ފެށިގެން 7 ކިލޯއާ ހަމައަށް ހުންނަ މެޝިންތައް ހިމެނެއެވެ.
އެއް އަހަރު ދުވަހުގެ ވޮރެންޓީއާއެކު ވިއްކަން ހަމަޖެހިފައިވާ މި މެޝިނަތަކުގައި ހަކަތަރި ލޭބަލް ޖަހަން ވެސް ވަނީ ނިންމާފައެވެ.
އެސްޓީއޯއިން ވިދާޅުވީ މި މެޝިންތަކަކީ ގިނަ ބްރޭންޑްތަކުގެ ފުލްޑްރައި މެޝިނަތަކާ އަޅާބަލާއިރު އަގުގެ ގޮތުންވެސް ހެޔޮ މެޝިންތަކެއް ކަމަށެެވެ.
