މަލައިކާ އުޅެނީ ޒުވާންކަމަށް ދެއްކެން އުމުރު އޮޅުވާލައިގެންތަ؟
ބޮލީވުޑް އައިޓަމް ގާލް މަލައިކާ އަރޯރާ އުޅެނީ ޒުވާން ކަމަށް ދެއްކެން އޭނާގެ އުމުުރު އޮޅުވާލައިގެންކަމަށް ބައެއް މީޑިއާ ރިޕޯޓުތަކުގައި ސުވާލު އުފައްދައިފި އެވެ.
މަލައިކާ ބުނަނީ އޭނާގެ އުމުރަކީ 49 އަހަރު ކަމަށެވެ. އޭނާގެ ވިކިޕީޑިއާ ޕޭޖުގައިވެސް ބުނެފައިވަނީ މިހެންނެވެ. އޭނާގެ އުމުރާއިމެދު ސުވާލު އުފެދުނީ މީގެ އަހަރުތަކެއް ކުރިން ސާޖިދު ހާންގެ ޝޯއެއްގައި މަލައިކާ ދިން އިންޓަވިއުއަކާއި ގުޅިގެންނެވެ.
ސާޖިދުގެ އިންޓަވިއުގައި ސުވާލެއްގެ ތެރެއިން އޭނާ ބުނަނީ މަލައިކާއަށްވުރެއް އޭނާގެ އޭރުގެ ފިރިމީހާ އަރުބާޒު ހާން ހަގު ކަމަށެވެ. މި ސުވާލަށް މަލައިކާ ޖަވާބު ދެމުން ބުނީ ހަގު ފިރިހެނަކާއި ކައިވެނިކޮށްގެން އުޅުމަކީ ވަރަށް "ކޫލް" ކަމެއް ކަަމަށެވެ.
އަރުބާޒުގެ ވިކިޕީޑިއާ ބުނާ ގޮތުން އޭނާގެ އުމުރަކީ 55 އަހަރެވެ. މިހެން ވެއްޖެނަމަ މަލައިކާގެ އުމުރު އެއަށްވުރެއް ބޮޑުވާނެ އެވެ. މީޑިއާ ރިޕޯޓުތަކުގައި ބުނަނީ މަލައިކާގެ އަސްލު އުމުރަކީ 57 ކަމަށެވެ.
މަލައިކާގެ އުމުރާއި ގުޅޭގޮތުން އޭނާއަށް ސޯޝަލް މީޑިއާގައި ވަނީ މަލާމާތް ރައްދުވެފަ އެވެ. އެއީ އޭނާ މިހާރު ލޯބީގެ ގޮތުން ގުޅިގެން އުޅެނީ އޭނާއަށްވުރެއް 12 އަހަރު ހަގު އެކްޓަރު އަރުޖުން ކަޕޫރާއެކު ކަމަށް ވާތީ އެވެ. މަލައިކާގެ އުމުރަކީ 57 ނަމަ އޭނާއާއި އަރުޖުންއާއި ދެމެދު 20 އަހަރުގެ ތަފާތެއް ހުންނާނެ އެވެ.
ބޮލީވުޑްގެ ބައެއް ބަތަލާއިން ޒުވާން ކަމަށް ދެއްކެން މީގެ ކުރިންވެސް އުމުރު އޮޅުވާލާފައިވެ އެވެ. ބައެއް ތަރިން އެމީހުންގެ އުފަންދުވަހުގެ ސެޓްފިކެޓާއި އައިޑީ ކާޑު އަދި ޕާސްޕޯޓުންވެސް އުފަން އަހަރު ބަދަލު ކުރެ އެވެ.
