ސަރުކާރިގެ ޚިދުމަތަށް އެދި ސަލާން ޖެހުން ނިމުމަކަށް ގެންނާނަން: އެމްއެންޕީ
މި އަހަރުގެ ރިޔާސީ އިންތިޚާބު ކާާމިޔަބުކޮށް، އެމްއެންޕީގެ ކެނޑިޑޭޓް ވެރިކަމަށް އައިސްފިނަމަ، ސަރުކާރުުގައި ޚިދުމަތަށް އެދި ސަލާން ޖެހުން ނިމުމަކަށް ގެންނަވާނެ ކަމަށް އެ ޕާާޓީގެ ނައިބު ރައީސް އަބްދުﷲ ރިޔާޒް ވިދާޅުވެއްޖެއެވެ.
އަބްދުﷲ ރިޔާޒް ގެންދަވަނީ ކޮންމެ ދުވަހަކު ވެސް، އެމްއެންޕީގެ ސިޔާސަތުތައް ޓްވީޓް ކުރައްވާ އާއްމުންނާ ހަމައަށް ގެނެސްދެއްވަމުނުްނެވެ. މިއަދު ރިޔާޒް ކުރެއްވި ޓްވީޓެއްގައި ވިދާޅުވީ، އެމްއެންޕީގެ ސަރުކާރެއްގައި އެންމެ އިސްކަމެއް ދެއްވާނީ ދިވެހިންނަށް ކަމަށާއި، އެންމެ ނިކަމެތި ދިވެހިން ފުދުންތެރި ބަޔަކަށް ހެއްދެވުމަށް ގިނަ މަސައްކަތްތަކެއް ކުރައްވާނެ ކަމަށެވެ.
އޭގެ އިތުރުން ދިވެހިންގެ ތެރޭގައި އާއްމުވެފައިވާ ސަރުކާރުގެ ޚިދުމަތަކަށް އެދި ސަލާން ޖެހުމުގެ އާދަ ކަނޑުވާލާ، ސަރުކާރުގެ އޮފީސްތަކަކީ ނަޒާހާތްތެރި އަދި އަވަސް ޚިދުމަތްތަކެއްދޭ ތަނަކަށް ހައްދަވައިދެއްވާނެ ކަމަށް ވިދާޅުވިއެވެ.
އެމްއެންޕީގެ ރިޔާސީ ކެނޑިޑޭޓަކީ އެ ޕާޓީގެ ރައީސް މުޙައްމަދު ނާޒިމެވެ. އެ ޕާޓީގެ ކެނޑިޑޭޓްކަން ރަސްމީކޮށް ހަވާލުކޮށްފައިވާއިރު، މެނިފެސްޓޯ އާއްމުކުރި ފުރަތަމަ ޕާޓީއަކީ އެމްއެންޕީއެވެ.
