މުވައްޒަފު މަރުވީ ހާރޓް އެޓޭކެއް ޖެހިގެން: އެފްކޮންސް

އިހުމާލުވުމުގެ ސަބަބުން އެފްކޮންސްގެ މުވައްޒަފު މަރުވި ކަމަށް ފެތުރު ހަބަރު އެކުންފުނިން ދޮގުކޮށްފިއެވެ.

Ads by MWSC

އެފްކޮންސްއިން ބުނި ގޮތުގައި މުވައްޒަފު ބަލިވެ އުޅޭތީ އޭނާއަށް ޗުއްޓީ ދީފައި ހުންނަތާ ތިން ދުވަސްވެއްޖެއެވެ. އަދި އޭނާ މަރުވީ ހާރޓް އެޓޭކެއް ޖެހިގެން ހޮސްޕިޓަލްގައި ފަރުވާ ދެމުން ދަނިކޮށް ކަމަށް އެކުންފުނިން ބުނެފައިވެއެވެ.

މުވައްޒަފުގެ މަރާއެކު ގުޅީފަޅުގައި ހަމަނުޖެހުން ހިންގާ އެކުންފުނީގެ ވެރިންނަށް ހަމަލާ ދެމުން ދާކަމަށް ފެތުރު ހަބަރުވެސް އެކުންފުނިން ވަނީ ދޮގުކޮށްފައެވެ.

ތިލަމާލެ ބްރިޖް މަޝްރޫއު ހިނގާ އެފްކޮންސް ކުންފުނީގެ ހާހެއްހާ މުވައްޒަފުން ރާއްޖޭގައި ދަނީ މަސައްކަތް ކުރަމުންނެވެ. އެކުންފުނީގެ މުވައްޒަފުން ތިބެނީ ގުޅީފަޅުގައި އެކުންފުނީގެ މުވައްޒަފުން ބެހެއްޓުމަށް ހަމަޖެހިފައިވާ ސައިޓުގައެވެ.