ވެންޓިލޭޓަރު މައްސަލައިގައި އޭސީސީން ނެރުނު ރިޕޯޓު ބަލަން އަންގައިފި
ކޮވިޑް 19 އާ ގުޅިގެން ރާއްޖެއަށް ބޭނުންވާ ވެންޓިލޭޓަރު ގެނައުމުގެ ކަންކަން ހިނގާފައިވާ ގޮތް އެންޓި ކޮރަޕްޝަން ކޮމިޝަނުން (އޭސީސީ) ތަހުގީގު ކުރުމުގައި އަމަލުކުރި ގޮތް ބެލުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިނިވަން މުއައްސަސާތަކުގެ ކޮމިޓީއަށް އަންގަވައިފި އެވެ.
މިއަދުގެ ޖަލްސާ ފަށްޓަވަމުން ރިޔާސަތުން އަންގާ އެންގުމުގެ ގޮތުގައި ނަޝީދު ވިދާޅުވީ ވެންޓިލޭޓަރުތަކާ ގުޅިގެން އޭސީސީގެ ރިޕޯޓު ނެރެފައިވަނީ މިދިއަ މެއި މަހުގެ ތެރޭގައި ކަމަށާއި، ނަމަވެސް، އެ ކޮމިޝަނުން ކުރި ތަހުގީގުގައި އޮޑިޓާ ޖެނެރަލްގެ ރޫހާއި ނަޒަރިއްޔާތު ވަރަށް ބޮޑަށް ތަފާތު ކަމަށެވެ.
އަދި މަޖިލީހުގެ މިނިވަން މުއައްސަސާތަކުގެ ކޮމިޓީއަށް އޭސީސީގެ ރައީސް ވަޑައިގެން ދެއްވި މައުލޫމާތުން ވެސް ފާހަގަވަނީ އޭސީސީން ކަންކަން ބަލަންޖެހޭ މިންވަރަށް ބަލާފައި ނުވާ ކަމާއި ނުވަތަ ބަލާ ނަޒަރިއްޔާތު ތަފާތުކަން ކަމަށް ނަޝީދު ވިދާޅުވިއެވެ.
"އަޅުގަނޑަށް ފެންނަ ފެނުމުގައި، މިއީ މި މަޖިލީހުގެ މިނިވަން މުއައްސަސާތަކުގެ ކޮމިޓީން އިތުރަށް ބަލަންޖެހޭނެ މައްސަލައެއް" އެ ކޮމިޓީ އަށް މި މައްސަލަ ފޮނުއްވިކަން އިއުލާން ކުރައްވަމުން ނަޝީދު ވިދާޅުވިއެވެ.
ވެންޓިލޭޓަރު ހޯދުމުގެ މައްސަލައާ ގުޅޭގޮތުން އޭސީސީން ތަހުގީގުކުރަމުންދާ މައްސަލާގައި ކޮރަޕްޝަނުގެ އަމަލެއް ނެތްކަމަށް ނިންމާފައިނުވާނެ ކަމަށް އެ ކޮމިޝަނުން ރޭ ވަނީ ބުނެފަ އެވެ.
ދެން އަތްޖަހާ …..