ރައީީސް ނަޝީދަށް ދެން އޮތީ، މާ ފާގަތި މާދަމާއެއް: އީވާ
ވެރިކަން ކުރާ މައި ޕާޓީ، އެމްޑީޕީގެ ރައީސްގެ މަޤާމު ދޫކޮށްލެއްވި ރައީސް މުޙައްމަދު ނަޝީދަށް ދެން އޮތީ މާ ފާގަތި މާދަމާއެއް ކަމަށް ޔަޤީން ކުރައްވާ ކަމަށް މަޖިލީހުގެ ނައިބު ރައީސް، އަދި ގަލޮޅު އުތުރު ދާއިރާގެ މެމްބަރު އީވާ ވިދާޅުވެއްޖެއެވެ.
ރައީސް ނަޝީދު އިއްޔެ ވަނީ، އެމްޑީޕީގެ ރައީސްކަމުން އިސްތިއުފާ ދެއްވައިފައެވެ. ރައްޔިތުންގެ މަޖިލީހުގެ މިއަދުގެ ޖަލްސާގައި، މިކަމާ ގުޅޭގޮތުން އީވާ ވިދާޅުވީ، މި ދަނޑިވަޅުގައި ދަންނަވަންވީ މަރުޙަބާ ކަމެއް އެނގިވަޑައިނުގަންނަވާ ކަމަށާއި، ނަމަވެސް ރައީސް ނަޝީދު އަބަދުވެސް އެދިވަޑައިގަންނަވަނީ ދިވެހި ރައްޔިތުންނަށް ހެޔޮ ގޮތް ކަމަށެވެ.
"އަޅުގަނޑަށް އިއްޔެގަ ވިސްނުނު އެއްޗަކީ، މަނިކުފާނު ދިވެހި ރައްޔިތުންނަށްޓަކައި ކޮށްދެއްވަން ހުރި މަސައްކަތާއި، ޚިދުމަތްތައް ހުއްޓިފައި ވަނީ، ވަކި ސިޔާސީ ޕާޓީއަކާ ހަމައިން ނޫންކަން."
އީވާ އިތުރަށް ވިދާޅުވީ، ރައީސް ނަޝީދު އެމްޑީޕީން ވަކިވެވަޑައިގަތުމަކީ، އެ ޕާޓީގެ ނިމުން ކަމަށާއި، އަންނަ އަހަރުގެ މި ދުވަސްވަރު އަންނައިރު، އެމްޑީޕީ އޮންނާނީ، ކާށިދޫ ދާއިރާގެ މެމްބަރު ޖާބިރުގެ ޗެއާމަން ކަމުގައި ކަމަށް ލަފާ ކުރެއްވޭ ކަމަށެވެ.
ރައީސް ނަޝީދަށް ތާއީދު ކުރައްވާ އެމްޑީޕީގެ މެމްބަރުން އެމްޑީޕީން ވަކިވެ، އައު ސިޔާސީ ޕާޓީ "ދަ ޑިމޮކްރެޓްސް" އުފައްދަން އަންނަނީ މަސައްކަތް ކުރަމުންނެވެ.
ދެން ކީއްވެބާ އިސްތިއުފާ ދޭން ނުކެރި މަޖްލިސް ހިންގިޔަ ނުދޭން ތި އުޅެނީ