އީދު ފާހަގަކުރެއްވުމަށް ރައީސް ޞާލިޙް ތޮއްޑޫއަށް
ރައީސް އިބްރާހިމް މުހައްމަދު ސޯލިހް ތޮއްޑޫއަށް ވަޑައިގެންފިއެވެ.
މިދަތުރުފުޅުގައި ރައީސް ސޯލިހްގެ އަރިހުގައި އަނބިކަނބަލުން ފަޒްނާ އަހުމަދު ވެސް ބައިވެރިވެވަޑައިގެންފައިވެއެވެ.
ރައީސް އޮފީހުން ވިދާޅުވީ އެމަނިކުފާނަށް ހާއްސަކޮށް އެރަށުގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީން ދެއްވާ ޖާފަތެއްގައި މިއަދު މެންދުރު ރައީސް ޞާލިޙް ބައިވެރިވެޑައިގަންނަވާނެ ކަމަށެވެ.
ރައީސް ޞާލިޙް ތޮއްޑޫއަށް ވަޑައިގަތުމުން އެމަނިކުފާނަށް އެރަށުން ވަނީ ހޫނު މަރުހަބާއެއް ކިޔާފައެވެ.
މި ބަރަކާތްތެރި އަޟުޙާ ޢީދުގެ މުނާޞަބަތުގައި ރައީސުލްޖުމްހޫރިއްޔާ ވަނީ، މިއަހަރު ރާއްޖެއިން ހައްޖުގެ އަޅުކަމަށް މާތްވެގެންވާ މައްކާއަށް ގޮސްތިބި ހައްޖުވެރިންނާ، ދިވެހި ލޮބުވެތިރައްޔިތުންނަށާ، އިސްލާމީ އުއްމަތުގެ އެންމެހައި މުސްލިމުންނަށް މި ޢީދުގެ ތަޙުނިޔާއާ ހެޔޮއެދުންތައް ފޮނުއްވާފައެވެ.
