ރައްޔިތުން އެދޭގޮތް ހޯދޭނީ އަޅުގަނޑާއި ރައީސް ޔާމީން ރިޔާސީ ރޭހުން ދުރުވެގެން: ރައީސް ނަޝީދު
ރައްޔިތުން އެދޭގޮތް ހޯދޭނީ ރައީސް ޔާމީނާއި ގުޅިގެން ކަމަށް ކުރީގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައިވަނީ "ދަ ޑިމޮކްރެޓްސް" އުފެއްދުމަށް ބޭއްވި ޖަލްސާގައި ވާހަކަފުޅު ދައްކަވަމުންނެވެ. އެގޮތުން އިންތިހާބު ކާމިޔާބުކުރަން ގޮތްދޫކޮށް ޕާޓީތަކާ ގުޅޭނެކަމުގެ އިޝާރާތެއް ރައީސް ނަޝީދު ކުރައްވާފައިވާއިރު، އެމަނިކުފާނު ވިދާޅުވީ ގޮތް ދޫކޮށްގެން ރައްޔިތުން އެދޭގޮތް ހޯދައިދިނުމަކީ ސިޔާސީ ޕާޓީތަކުގެ ޒިންމާއެއްކަމެވެ.
ރައްޔިތުން ބޭނުންވަނީ ރައީސް އިބްރާހިމް މުޙައްމަދު ޞާލިޙުގެ ވެރިކަން ބަދަލުކުރުމަށްކަމަށާއި، އެކަން އެގޮތަށް ކުރުމަށް އެހެން ޕާޓީތަކުންނާއި އެމަނިކުފާނުވެސް ގޮތް ދޫކުރުން ބުއްދިވެރިކަމަށެވެ.
ރައީސް ނަޝީދު އިތުރަށް ވިދާޅުވި ގޮތުގައި ރިޔާސީ އިންތިޚާބުތަކުގެ ޕޮލްތަކުން ދައްކާ ގޮތުގައި 55 ޕަސަންޓު ރައްޔިތުން ވޯޓު ލާނެ މީހެއް ނުނިންމައެވެ. އަދި ކުރީގެ ރައީސް، ރައީސް ޔާމީނު ޖަލުގައި އޮންނެވި ނަމަވެސް، އެ މަނިކުފާނަށް ތާއީދު ކުރާ 18 ޕަސެންޓު މީހުން ތިބިކަމަށްވެސް ރައީސް ނަޝީދު ފާހަގަކުރެއްވިއެވެ.
ރިޔާސީ އިންތިޚާބުގައި ނަގާ ޕޮލްތަކާ ގުޅޭގޮތުން ވާހަކަފުޅުދައްކަވަމުން ރައީސް ނަޝީދު ވިދާޅުވީ، އިންތިޚާބުގައި ވާދަކުރައްވާނެ ކަމަށް ވިދާޅުނުވާކަމަށާއި، އެމަނިކުފާނުގެ ނަން ނެތަސް އެންމެ ރަނގަޅުކަމަށެވެ. އަދި އެންމެ މުހިންމީ ރައްޔިތުން އެދޭގޮތް ހޯދުމަށްކަމަށްވާއިރު، އެކަން ކުރެވޭނީ އެމަނިކުފާނާއި ރައީސް ޔާމީން މި އިންތިޚާބުގައި ވާދަނުކުރައްވައި ދެ ބޭފުޅުން ގުޅިގެން މަސައްކަތް ކޮށްގެން ކަމަށް ރައީސް ނަޝީދުގެ ވާހަކަފުޅުގައި ފާހަގަކުރައްވާފައިވެއެވެ.
އެމްޑީޕީ އިބޫ ސޯލިހަށް ވެރިކަން ހޯދާދޭން ނިކުތް ބަޔެއްތާ މި ޑިމޮރެޓުސް އަކީ !
އަސްލުވެސްވަރަށްރަނގަޅުވާކައެ