ޕާކިސްތާނުގައި ފެންބޮޑުވެ، 50 މީހުން މަރުވެއްޖެ

ޕާކިސްތާނުގެ އެކި ސަރަހައްދުތަކަށް ބޯކޮށް ވާރޭ ވެހި، ހިނގި އެކި ހާދިސާތަކުގައި 50އަށްވުރެ ގިނަ މީހުން މަރުވެއްޖެއެވެ.

Ads by STELCO

މީޑިއާ ރިޕޯޓްތައް ބުނާގޮތުގައި، މިދިޔަ މަހުން ފެށިގެން އެ ޤައުމުގެ އެކި ހިސާބުތަކަށް ކުރަމުން އަންނަ ވިއްސާރައިގައި، ބިންގަނޑު ކަނޑައިގެން ދިޔުމުގެ ހާދިސާތައް ވެސް އަންނަނީ ހިނގަމުންނެވެ.

"ޖޫން މަހުގެ 25ގައި ފެށި، މި ވިއްސާރައިގައި މިހައިތަނަށް 59 މީހުން ވަނީ މަރުވެފަ." ޕާކިސްތާނުގެ ނެޝަނަލް ޑިޒާސްޓަރ މެނޭޖްމަންޓްގެ އޮފިޝަލަކު ވިދާޅުވިއެވެ.

އޭނާ އިތުރަށް ވިދާޅުވީ، މި ވިއްސާރަ އާއި ގުޅިގެން ހިނގި އެކި ހާދިސާތަކުގައި، 87 މީހުންނަށް އެކިވަރުގެ އަނިޔާ ލިބުނު ކަމަށެވެ.

މޫސުމީ މި ވިއްސާރައިގެ ސަބަބުން އެންމެ ބޮޑު ގެއްލުމެއް ލިބިފައިވަނީ ޕާކިސްތާނުގެ ޕަންޖާބު ޕްރޮވިންސަށެވެ.