ރައީސް ޞާލިޙަށް މިހާރުވެސް 100،000 ވޯޓު ކަށަވަރު: ވަހީދު

ބުރާސްފަތި ދުވަހުގެ ރޭ ހއ. ދިއްދޫގައި ކުރިއަށްދާ ''އުފާވެރި އަމާން ރާއްޖެ'' ޖަލްސާގައި މެންބަރު އަބްދުﷲ ވިދާޅުވީ، ކުރިއަށް އޮތް ރިޔާސީ އިންތިޚާބު ފަށާނީވެސް އެއްލައްކަ ވޯޓާއެކު ކަމަށެވެ.

އަދި އެމަނިކުފާނަކީ ރައްޔިތުންނަށް ވައުދެއް ވެއްޖެނަމަ، އެ ވައުދު ފުއްދަވާ ހަމައެކަނި ރައީސްކަމަށާއި ހަނިމާދޫ ނިމޭއިރު ބޮޑުތިލަދުންމަތީ އިގްތިސާދު ދެގުނަ ވެގެންދާނެ ކަމަށް ވަހީދު ވިދާޅުވިއެވެ.

“ ބޮޑުތިލަދުންމަތީ ރައްޔިތުންނާ ދިއްދޫ ރައްޔިތުން ތިބޭނީ އުފަލުން ފުރިފަ. މި އިންތިޚާބު ރައްޔިތުންނަށް ކާމިޔާބުކޮށްދިނުމަށްޓަކާ ހުރިހާ މެމްބަރުން މި ތިބީ ފުރިހަމައަށް ތައްޔާރުވެގެން. މި އިންތިޚާބު މި ފަށަނީވެސް އެއްލައްކަ ވޯޓުން” ވަހީދު ވިދާޅުވިއެވެ.

ވަހީދު ވިދާޅުވީ މިހާރު ދިއްދޫގެ ރައްޔިތުން ތިބީ ރައީސާ އެކު ކަމަށާއި އެ ރަށުގެ މެޖޯރިޓީ ވެސް ލިބޭނެ ކަމަށް ވިދާޅުވިއެވެ.