ކޮވިޑަށް ފައްސިވި 85 މީހަކު ފެސިލިޓީތަކަށްދާން ދެކޮޅު ހަދައިފި
ކޮވިޑް-19 އަށް ޕޮޒިޓިވް ވެފައިވާ މީހުންގެ ތެރެއިން 85 މީހަކު އައިސޮލޭޝަން ފެސިލިޓީތަކަށް ދާން ދެކޮޅު ހަދަމުންދާ ކަމަށް ހެލްތު އެމަޖެންސީ އޮޕަރޭޝަން ސެންޓަރު(އެޗްއީއޯސީ) އިން ބުނެފި އެވެ.
މިރޭ ބޭއްވި ނޫސްވެރިންގެ ބައްދަލުވުމެއްގައި ޑރ. އިބްރާހިމް އަފްޒަލް ވިދާޅުވީ ކޮވިޑް-19 އަށް ފައްސިވެފައިވާ 359 މީހަކު ފެސިލިޓީތަކަށް ނުގެންދެވި އެބަތިބި ކަމަށެވެ. ނަމަވެސް އޭގެ ތެރެއިން 85 މީހުން ނުގެންދެވި ތިބީ ފެސިލިޓީތަކަށް ދާން ދެކޮޅު ހަދާތީ ކަމަށް ޑރ. އަފްޒަލް ވިދާޅުވިއެވެ.
އޭގެ އިތުރު 15 މީހަކު ފެސިލިޓީތަކަށް ނުގެންދެވި ތިބީ އާއިލާ މީހުންގެ ނަތީޖާ ލިބުމުގެ ކުރިން ފެސިލިޓީތަކަށް ދާން އެމީހުން ދެކޮޅު ހަދާތީއެވެ.
ޑރ. އަފްޒަލް ވިދާޅުވީ އެޗްޕީއޭގެ މަސައްކަތް ކުރި ގޮތުން ފެސިލިޓީތަކަށް ނުގެންދެވި ތިބީ 22 މީހުން ކަމަށެވެ.
"އަޅުގަނޑުމެންގެ ޓްރޫ ޕެންޑިއެއްގައި ހަގީގަތުގައި މި ތިބީ 22 މީހުން،" އަފްޒަލް ވިދާޅުވިއެވެ.
މިހާތަނަށް 14 މީހަކާއި ނުގުޅިގެން އެ މީހުންވެސް ފެސިލިޓީތަކަށް ގެންދެވިފައިނުވާ ކަމަށް އަފްޒަލް ވިދާޅުވިއެވެ.
