ހިމާޔަތްކޮށްފައިވާ ފަރުކޮޅުން އާންމުންނަށް އާމްދަނީ ލިބޭ ގޮތަށް ތަރައްގީގެ މަޝްރޫއުތައް ހިންގާނަން: ރައީސް ޞާލިޙް
ށ. ފުނަދޫ ފަޅުގައި ހިމާޔަތް ކޮށްފައިވާ ފަރުކޮޅުގައި އާންމުންނަށް އާމްދަނީ ލިބޭ ގޮތަަށް ތަރައްގީގެ މަޝްރޫއުތަކެއް ހިންގަން ރައީސް އިބްރާހިމް މުހައްމަދު ޞާލިޙް ވައުދުވެވަޑައިގެންފިއެވެ.
ޔާސީ އިންތިހާބުގެ ކެމްޕޭނުގައި ފުނަދުއަށް ވަޑައިގެން ބޭއްވި ބައްދަލުކުރެއްވުމުގައި ރައީސް ޞާލިޙް ވިދާޅުވީ ފުނަގޫގެ ތަރައްގީއަށްޓަކާ ކުރަންޖެހޭ ކަންތައްތަކެއް އެބަހުރި ަކަމަށެވެ. އަދި އެ ރަށުގައި ނުހެދި ހުރި މަގުތައް, ފެނުގެ ނިޒާމު ނިމުމާއެކު ފެށުމަށް ޕްލޭންކޮށް, ނިންމާފައިވާ ކަމަށާއި ކުރިޔަށްއޮތް ފަސް އަހަރުގެ ތެރޭގައި އެ މަސައްކަތް ކޮށް ނިންމާނެ ކަމަށް ރައީސް ޞާލިޙް ވިދާޅުވިއެވެ.
މީގެ އިތުރުން އެ ރަށުގެ ބޯހިޔާވަހިކަމަށް ހައްލެއް ހޯދައިދިނުމަށް ރޯ އައުސް ނުވަތަ ފްލެޓް އެޅުމަށް ކުރިޔަށް އޮތް ދައުރުގެ މެނިފެސްޓޯގައި ހިމަނާފައިވާ ކަމަށާއި ފަޅުގައި އޮތް ފަރުކޮޅު, އެ ރަށުގެ ރައްޔިތުންނަށް އާމްދަނީ ލިބޭގޮތަށް އެތަނުގައި ތަރައްގީގެ މަޝްރޫއުތައް ހިންގާނެ ކަމަށް ރައީސް ޞާލިހާ ވިދާޅުވިއެވެ.
"މި ރަށުގެ ފަޅުގައި އޮތް ފަރުކޮޅު, މިރަށުގެ ރައްޔިތުންނަށް އާމްދަނީ ލިބޭގޮތަށް, އެތަނުގައި ތަރައްގީގެ މަޝްރޫއުތަކެއް ހިންގާނަން" ރައީސް ވިދާޅުވިއެވެ.
މީގެ އިތުރުން ރައީސް ޞާލިޙް ވިދާޅުވީ މަސްވެރިންނަށް ބޭނުންވާ އައިސް, ހެޔޮ އަގުގައި ރަށުން ލިބޭ ގޮތަށް އެ ރަށުގައި އައިސްޕްލާންޓެއް އަޅައިދެއްވާނެ ކަމަށާއި ސްކުލަށް އިތުރަށް ބޭނުންވާ ކުލާސް ރޫމްތައް އިތުރުކޮށްދީ, 50 އެނދުގެ އާ ހޮސްޕިޓަލެއް އަޅައިދެއްވާނެ ކަމަށް ވެސް ރައީސް ޞާލިޙް ވިދާޅުވިއެވެ.
