ހަސަން ކުރުސީގެ ނަމުގައި ހިންގާ އެކައުންޓުން، ރައީސް މުޙައްމަދު ނަޝީދަށް ތާއީދުކޮށް، ސަރުކާރަށް ވަރަށް ބޮޑަށް ފާޑު ކިޔައެވެ.
ފުލުހުން ވިދާޅުވީ، ހަސަން ކުރުސީގެ ނަމުގައި ޓުވިޓާގައި ހަރަކާތްތެރިވާ އެކައުންޓުގެ ވެރިފަރާތް ހޯދުމުގެ މަސައްކަތް އެ އަމުރުގެ ދަށުން ކުރަމުންދާ ކަމަށެވެ.
އެ އެކައުންޓުން މިއަދު ކުރި ޓުވީޓެއްގައި ބުނީ އެކައުންޓުގެ ވެރިފަރާތް ހޯދުމުގެ މަސައްކަތް ކުރުމަކީ ޑިމޮކްރަސީއާ ހިލާފު ކަމެއް ކަމަށެވެ.
ފުލުހުން ބޭނުންވާ މައުލޫމާތު ޓުވިޓާއިން ދީފިނަމަ ގިނަ ބައެއްގެ ފުރާނަ ނުރައްކަލަށް ހުށަހެޅިގެންދާނެ ކަމަށް ވެސް ބުނެފައިވެއެވެ.
ހަސަން ކުރުސީ އެކައުންޓަށް 12،000 އަށް ވުރެ ގިނަ މީހުން ފޮލޯ ކުރެއެވެ.
ހަސަން ކުރުސީ އެކައުންޓު ހިންގަނީ އެމްޑީޕީގެ ކުރީގެ ރައީސް މނަޝީދު ކަމަށް ވެސް މީގެ ކުރިން ބައެއް މީހުން ވަނީ ތުހުމަތުކޮށްފައެވެ. ނަމަވެސް ނަޝީދު އެކަން ދޮގު ކުރައްވައެވެ.
Ads by STO
