ކެންޑިޑޭޓުންގެ ނަން ތަރުތީބު ކުރުން އަންނަ ބުދަ ދުވަހު

އަންނަ މަހުގެ 9 ގައި ބާއްވާ ރިޔާސީ އިންތިހާބަށް ކުރިމަތިލާ ކެންޑިޑޭޓުންގެ ނަން ތަރުތީބު ކުރުން އަންނަ ހަފުތާގެ ބުދަ ދުވަހު ބާއްވަން އިލެކްޝަންސް ކޮމިޝަން (އީސީ) އިން ނިންމައިފިއެވެ.

Ads by STELCO

ނައިބު ރައީސް އިސްމާއިލް ހަބީބް މިއަދު ކުރެއްވި ޓުވީޓެއްގައި ވިދާޅުވީ، އިންތިހާބަށް ކުރިމަތިލާ މީހުންގެ ތެރެއިން ޝަރުތު ހަމަވާ މީހުންގެ ނަންތައް ތަރުތީބު ކުރަން ބުދަ ދުވަހު ގުރުއަތުލުން އޮންނާނެ ކަމަށެވެ.

ހަބީބް ވިދާޅުވީ، ކެންޑިޑޭޓަށް ބައިވެރި ނުވެވޭ ހާލަތެއްގައި ކެންޑިޑޭޓުންގެ މަންދޫބަކަށް ބައިވެރިވެވޭނެ ކަމަށެވެ.

ރިޔާސީ އިންތިޚާބުގެ ފުރަތަމަ ބުރުގެ ވޯޓުލުން، އޮންނާނީ މިއަންނަ ސެޕްޓެންބަރުމަހުގެ 9 ވަނަ ދުވަހުއެވެ. މިފަހަރު ޖުމްލަ 604 ވޯޓު ފޮއްޓެއް، ރާއްޖެއާއި ރާއްޖޭން ބޭރުގައި ބެހެއްޓުމަށް، އިލެކްޝަންސް ކޮމިޝަނުން ވަނީ ނިންމާފައެވެ.