ގާސިމްގެ ކެންޑިޑެންސީ އީސީން ބަލައިގެންފި

ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ ކެންޑިޑެންސީ  އިލެކްޝަންސް ކޮމިޝަނުން ބަލައިގެންފިއެވެ.

Ads by STELCO

އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވަނީ ގާސިމްގެ ކެންޑިޑެންސީ ފޯމް އިލެކްޝަންސްއިން ބަލައިގެންފައިވާކަން ހާމަކުރައްވާ ޓްވީޓް ކުރައްވާފައެވެ.

ހަބީބް ވިދާޅުވީ އަންނަ މަހު 9ގައި ބާއްވާ އިންތިހާބުގައި ވާދަކުރަން ގާސިމް ހުށަހެޅުއްވި ފޯމު އެ ކޮމިޝަންގެ ފަރާތުން ބަލައި ޗެކްކުރުމަށްފަހު ގާނޫނުގައިވާ ގޮތުގެ މަތިން އިންތިހާބީ ޝަރުތު ހަމަވާ ކަމަށް ބަލައި ކެންޑިޑެންސީ ގަބޫލުކޮށްފައިވާ ކަމަށެވެ.

ރިޔާސީ އިންތިހާބުގައި ވާދަކުރުމަށް ފޯމު ހުށަހެޅުމުގެ ސުންގަޑި މިއަދު 14:00 ގައި ވަނީ ހަމަވެފައެވެ.

ވަގުތު ހަމަވީއިރު އިންތިހާބުގައި ވާދަކުރަން ހުށަހެޅި ހުރިހާ ޕާޓީތަކެއްގެ ކެންޑިޑޭޓުންގެ ޝަރުތު ހަމަވާ ކަމަށް އީސީން ވަނީ ނިންމާފައެވެ.