ރައީސް ޞާލިޙް ބަލިވާނީ ލަދުވެތި ގޮތަކަށް, އެމްޑީޕީ ދެވަނަ ބުރަކަށް ނުދާނެ: ރައީސް ނަޝީދު
ކުރިޔަށް އޮތް ރިޔާސީ އިންތިހާބުގައި ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ބަލިވާނީ ލަދުވެތި ގޮތަކަށް ކަމަށާއި އެމްޑީޕީ ދެވަނަ ބުރަކަށް ނުދާނެ ކަން އެއީ ފެންނަން އޮތް ހަގީގަތެއް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެޕާޓީގެ ރިޔާސީ ކެންޑިޑޭޓް، ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބް ރިޔާސީ އިންތިހާބަށް ކުރައްވާ ކެމްޕެއިނުގައި ބޭއްވި ޖަލްސާއެއްގައި ވާހަކަފުޅުދައްކަަވަމުން ރައީސް ނަޝީދު ވިދާޅުވީ ދައުލަތުގެ ވެރިޔާގެ ސަލާމަތާއި ރައްކާތެރިކަން ފުލުހުން ބަލަން ޖެހޭ ކަމަށާއި ނަމަވެސް ޓެރަރިސްޓު ހަމަލާއަކަށް އެންމެ "ރިސްކު ބޮޑު" މީހަކީ އެމަނިކުފާނު ކަމަށާއި އެހެން ނަމަވެސް ކެމްޕެއިނަށް ރަށްރަށަށް ވަޑައިގެން އުޅުއްވަނީ އާންމު ރައްޔިތެއް ފަދައިން ކަމަށެވެ.
"ރައީސް ޞާލިޙް އެދަނީ ވަރަށް ލަދުވެތި ގޮތަކަށް ބަލި ވާން. އެމްޑީޕީ ދެވަނަ ބުރަކަށް ނުދާނެކަން އެއީ ފެންނަ ހަގީގަތެއް" ރައީސް ނަޝީދު ވިދާޅުވިއެވެ.
ނަޝީދު އެމްޑީޕީން ވަކިވެވަޑައިގެންނެވީ މިދިޔަ ޖެނުއަރީ މަހު އެޕާޓީން ބޭއްވި ރިޔާސީ ޕްރައިމަރީ އެމަނިކުފާނަށް ކުރިމަތިވެވަޑައިގެންނެވި ނާކާމިޔާބީއަށް ފަހުގައެވެ. އެ އާ އެކު "ފިކުރެއްގެ ދިރުން" ނަމުގައި ވަކި ފެކްޝަނެއް އުފައްދަވައި، އެ ހަރަކާތް ފަހުން ޕާޓީއަކަށް ހެއްދެވީއެވެ.
މި ޒުވާނާ މިހާރު އަނގަޕަޗަރާ އަކަށް ވެއްޖެ.