އަނެއްކާވެސް ގައްބަރޭ ހައްޔަރުކޮށްފި
ރައްޔިތުންގެ މަޖިލީހުގެ މަތިވެރި ދާއިރާގެ މެމްބަރު ހަސަން ޒަރީރު މަރާލަން އުޅުނުކަމުގެ ތުހުމަތުގައި ހައްޔަރުކުރި އިބްރާހިމް އަބްދުﷲ (ގައްބަރޭ) ބަންދުން ދޫކޮށްލަން ކުރި އަމުރު ބާތިލްކޮށް އޭނާ އަލުން ބަންދުކުރަން ހައި ކޯޓުން އަމުރުކުރުމުން އޭނާ އަލުން ހައްޔަރުކޮށްފިއެވެ.
ގައްބަރޭ ހައްޔަރުކުރީ އޭނާ ބަންދުން ދޫކޮށްލަން ކްރިމިނަލް ކޯޓުން ނެރުނު އަމުރު ބާތިލުކޮށް، އޭނާ ހައްޔަރުކުރަން އާދިއްތަ ދުވަހު ހައިކޯޓުން އަމުރުކޮށްފައި ވަނިކޮށެވެ.
މެންބަރު ޒަރީރަށް ހަމަލާދިނީ މެއި މަހުގެ 1 ވަނަ ދުވަހުއެވެ.
ފުލުހުން ބުނީ މެންބަރު ޒަރީރަށް ހަމަލާ ދީފައިވަނީ ނުރައްކާތެރި ހަތިޔާރެއްގެ ގޮތުގައި ބެލެވިދާނެ އެއްޗެއް ބޭނުންކޮށްގެނެވެ. އަދި އޭނާއަށް ހަމަލާ ދީފައިވަނީ ހަބީބީ ކެފޭ އެންޑް ބިސްޓްރޯ ތެރޭގައި އިންނަވަނިކޮށެވެ.
ގައްބަރޭ އަށް އެންމެ ފަހުން ކޯޓުން 30 ދުވަހުގެ ބަންދުގެ މުއްދަތެއް ދީފައެވެ. އޭނާ ބަންދު ކުރީ މެއި މަހުގެ 23 ވަނަ ދުވަހުއެވެ. ގައްބަރޭއަކީ ރާއްޖޭގައި ހިނގާފައިވާ ބައެއް މަރުގެ މައްސަލަތަކުގައި ވެސް ޝާމިލުވާ މީހެކެވެ.
Ads by STO
