ހަނިމާދޫ އެއާރޕޯޓު އިންޑިއާ އަތުން އަތުލާނަން: ޤާސިމް
އެމަނިކުފާނުގެ ޕާޓީގެ ވެރިކަމެއްގައި ހަނިމާދޫ އެއާޕޯޓު އިންޑިއާ އަތުން އަތުލާނެކަމަށް ޖުމްހޫރީ ޕާޓީގެ ރިޔާސީ ކެނޑިޑޭޓް ޤާސިމް އިބްރާހީމް ވިދާޅުވެއްޖެއެވެ.
ޤާސިމް މިހެން ވިދާޅުވިއެވެ.މިހާރު އަތޮޅު ތެރެއަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދުހދ. ހިރިމަރަދޫގައި ބޭއްވި ކެމްޕެއިން ޖަލްސާއެއްގައި ދެއްކެވި ވާހަކަފުޅުގައެވެ.
ގާސިމްގެ ވާހަކަފުޅުގަި ވަނީ އިންޑިއާ ސިފައިން ރާއްޖޭގެ އެކި ސަރަހައްދުގައި ގާއިމްވެ ތިބޭ ކަމަށް ބުނެ އެކަމާ ކަންބޮޑުވުންފާޅު ކުރައްވާފައެވެ. އެގޮތުން ވދިދާޅުވީ އެމަނިކުފާނުގެ ވެރިކަމެއްގައި ރާއްޖޭގެ ސިޔާދަތީ ބާރުވެރިކަން ދިވެހިންނަށް ގެއްލޭގޮތައް ބޭރުގެ އެއްވެސް ގައުމެއްގެ ސިފައިން ނަށް ނުތިބެވޭނެ ކަމަށާއި އެ ބަޔަކު ބޭރުކުރާނެކަމަށެވެ.
އެ ބީދައިން ހަނިމާދޫގައި ޤާއިމްވެގެން ތިބި ސިފައިން ބޭރު ކުރައްވާނެ ކަމަށް ޤާސިމް ވިދާޅުވިއެވެ.
" ހަނިމާދޫ އެއާޕޯޓަކީ ދިވެހި ދައުލަތުގެ ބާރުގެ ދަށުގައި އޮންނަ އެއާޕޯޓެއްކަމުގައި ހަމަޖައްސާނަން. ހަމަޖެއްސުމާއެކުގައި ބައިނަލް އަގްވާމީ ފްލައިޓްތައް މިތަނަށް ޖައްސާނެ. އެތާގައި ނުތިބެވޭނެ ބޭރުގައުމެއްގެ ސިފައިންނަކަށް." ޤާސިމް ވިދާޅުވިއެވެވެ.
"ގާނޫނާއި ހިލާފަށް އެއްވެސް ވެރިއަކަށްދެވޭނެ ހުއްދައެއްނޫން އެއަކީ. އެއީ އިންޑިއާ ރައްޔިތުން ނުވަތަ ސަރުކާރާމެދު ހިތްހަމަ ނުޖެހުމެއްނޫން. އެއީ ދިވެހިރާއްޖޭގެ ރައީސެއްގެ މަގާމުގައި ހުރި މީހާ އިހުމާލުވާތީ އެވާހަކަ މި ދައްކަނީ. "
ގާސިމް ވަނީ ކުރީ ސަރުކާރުން ޗައިނާއިން ދަރަނި ނެގުމުން ފާޅުގައި އެއީ ދަރަނި ދަންތުރައެކޭ ވިދާޅުވެ ކަންބޮޑުވުން ފާޅުކުރެއްވި ބައެއް ބޭފުޅުން ޗައިނާއިން ނެގި ދަރަނީގެ ދެގުނަ މި ސަރުކާރުން ނެގުމުން ވެސް އެއްޗެއް ވިދާޅުނުވާ ކަމަށެވެ. އަދި ދަރަންޏަކީ ޤައުމެއް އަޅުވެތި ކުރަން ގެންގުޅޭ ހަތިޔާރެއް ކަމަށް ވިދާޅުވިއެވެ.
ކުރީގައިވިދާޅުވެފަވޭ މިރާއްޖޭގައި އިންޑިޔާސިފައިން ތިބިކަމެއްނޭގޭކަމައް އަދި ހަނިމާދޫ އެއަރޕޯޓު އިންޑިޔާޔައް މިސަރުކާރުން ނުދޭކަމައް މިހާރު ތިދައްކަނީ އެހެންގޮތަކައް މިހާރުތިކިޔަނީ ރައްޔަތުންނައްރަގަޅުގޮއްހޯދާދޭށޭމިއުޅެނީ ކީއްވެތޯ އަމިއްލަ މޫއައްޒަފުންނާދޭތެރޭ އަހުމާލުވަނީ