ގުޅިން ދެ މަހުގެ ކުއްޖަކު ކޮވިޑް-19 އަށް ފައްސި ވެއްޖެ
ކ. ގުޅިން އުމުރުން ދެ މަހުގެ ތުއްތު ކުއްޖަކު ކޮވިޑް-19 އަށް ފައްސި ވެއްޖެއެވެ. ފައްސިވެފައި ވަނީ ހޯމް ކަރަންޓީނުގައި ހުރި ކުއްޖެކެވެ.
އޮންލައިން ނޫހެއް ކަމަށްވާ "ވަގުތު" ގައި ބުނެފައިވާ ގޮތުގައި އެ ކުއްޖާ ފައްސިވެފައިވާ ކަން އެނގުނީ ހޯމް ކަރަންޓީނު ނިންމުމަށް ހެދި ޓެސްޓުންނެވެ.
ހޯމް ކަރަންޓިނުގައި ހުރި އެގެއިން ފަސް މީހުން ޓެސްޓު ކޮށްފައިވާއިރު، ފައްސި ވެފައިވަނީ އެކުއްޖާ އެކަނި ކަމުގައިވެސް އެ ރިޕޯޓުގައި ބުނެފައިވެއެވެ.
ގުޅީ ސިއްހީ މަރުކަޒުގެ އޮފިޝަލަކާ ހަވާލާދީ އެ ނޫހުގައި އިތުރަށް ރިޕޯޓުކޮށްފައިވާ ގޮތުގައި އާއިލާގެ އެހެން މެންބަރުން ފައްސިނުވެ، ހަމައެކަނި ދެ މަހުގެ ތުއްތު ކުއްޖާ ފައްސިވުމުން އެކަން މައިންބަފައިން ގަބޫލުކުރަން ބޭނުން ނުވާ ކަމަށާއި ކުއްޖާގެ އިތުރު ޓެސްޓެއް ހަދަން އެދުމުން އެގޮތަށް އެކަން ނީންނަ ކަމަށް އެޗްޕީއޭ އިން އަންގާފައިވާ ކަމަށެވެ.
ތުއްތު ކުއްޖާގެ އިތުރުން އެގެއިން ދެން އިތުރަށް ޓެސްޓު ކޮށްފައިވަނީ އިތުރު ދެ ކުދިންނާއި ކުދިންނާއި މަންމަ އާއި މާމައެވެ.
