ވަޒީފާ ގެއްލިދާނެތީ ބިރު ނުގަނޭ، ވެގެންވަންޏާ އިޤްތިޞާދު ދެގުނަކޮށް މުސާރަ އިތުރު ކޮށްދޭނަން: މުޢިއްޒު
އިދިކޮޅު ފަރާތްތަކާއި ގުޅުމަށް ވަޒީފާ ގެއްލިދާނެތީ ބިރު ނުގަތުމަށް އެދިވަޑައިގެން، ވަޒީފާ ނުގެއްލޭނެ ކަމަށް ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު ވިދާޅުވެއްޖެއެވެ.
ށ.ފުނަދޫގައި އިދިކޮޅު ޕީޕީއެމް އާއި ޕީއެންސީގެ ކޯލިޝަނުން ބޭއްވި ޖަލްސާގައި މުއިއްޒު ވަނީ ވަޒީފާގެ ބިރެއް ނެތި، ޖަލްސާގައި ބައިވެރިވި ޒުވާނަކަށް ތަޢުރީފު ކުރައްވައި، އޭނާގެ ވަޒީފާ ގެއްލިއްޖެނަމަ، މިހާރަށްވުރެ ރަނގަޅު ވަޒީފާއެއް ދެއްވާނެ ކަމަށް ވިދާޅުވެފައެވެ.
"ރާއްޖޭގެ ކުންފުނިތަކުން ވަޒީފާދޭ ރައްޔިތުންނަށް، އަޅުގަނޑު ހަމަ ތަކުރާރުކޮށް ދަންނަވައިލަން ބޭނުންވަނީ، ވަޒީފާގެ ބިރެއް ނޯންނާނޭ." މުޢިއްޒު ވިދާޅުވިއެވެ.
މުޢިއްޒު އިތުރަށް ވިދާޅުވީ، ޕީޕީއެމް-ޕީއެންސީގެ ސަރުކާރެއްގެ ސިޔާސަތަކީ އިޤްތިސާދު ވަރުގަދަކޮށް، މުސާރަ އިތުރު ކުރުން ކަމަށާއި، ވަޒީފާ ނެތް މީހުންނަށް ވަޒީފާ ވެސް ދިނުން ކަމަށެވެ.
