ސިޔާމަށް ތާއީދު ކުރާ އެންމެން ވޯޓުލާނީ އަޅުގަނޑަށް: ޤާސިމް
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙުގެ ކޯލިޝަން ބައިވެރިޔާ، އަދި އެމްޑީއޭގެ ރައީސް އަޙްމަދު ސިޔާމްގެ ހިތުގައި އަދިވެސް އެންމެ ބޮޑު ލޯތްބެއް އޮތީ އޭނާއަށް ކަމަށް ޖުމްހޫރީ ޕާޓީގެ ކެންޑިޑޭޓް ޤާސިމް އިބްރާހީމް ވިދާޅުވެއްޖެއެވެ.
އެނާ މިގޮތަށް ވިދާޅުވީ، ޖޭޕީގެ ރިޔާސީ ކެމްޕެއިނުގައި، މިއަދު ނ. ޅޮހީގައި ބޭއްވި ޖަލްސާގައެވެ.
ސިޔާމްގެ ވިސްނުންފުޅަށް ތަޢުރީފު ކުރައްވައި، ޤާސިމް ވިދާޅުވީ، އެ ދެ ބޭފުޅުންގެ މެދުގައި އަބަދުވެސް އޮންނަ ގާތް އެކުވެރި ގުޅުމުގެ ސަބަބުން، އަންނަ ރިޔާސީ އިންތިޚާގައި ސިޔާމުގެ ސަޕޯޓަރުން ވޯޓުލާނީ ޤާސިމަށް ކަމަށް ގަބޫލުކުރައްވާ ކަމަށެވެ.
އޭނާ ވިދާޅުވި ގޮތުގައި، ސިޔާާމްގެ ހިތްޕުޅުގެ އެންމެ އަޑީގައި ލޯތްބާއި އިޙްތިރާމު އޮންނާނީ އޭނާއަށް ކަމަށެވެ.
"އެމަނިކުފާނަށް ތައީދުކުރައްވާ ހުރިހާ ބޭފުޅުން އަޅުގަނޑަށް ވޯޓުލާނެކަން. ކޮންމެވެސް ސިއްރު ކޯޑަކުން މެސެޖު ދެއްވާނެކަން، އަޅުގަނޑު ވަރަށް ޔަޤީން ކުރާ ކަމެއް މިއީ."
ޤާސިމް ވިދާޅުވި ގޮތުގައި، ސިޔާމަކީ އަބަދުވެސް އޭރަކު ވެރިކަމުގައި އޮންނަ ސަރުކާރަކާ އެކީގައި ހުންނަވާ ބޭފުޅެކެވެ. ނަމަވެސް ޤާސިމަކީ އެއްވެސް ސަރުކާރަކުން ގޯސްކޮށް ކަމެއް ކުރާ ނަމަ، އެކަމާ ދެކޮޅަށް ހުންނަވާ މީހެއް ކަމަށް ވިދާޅުވިއެވެ.
ޤާސިމް މިހެން ވިދާޅުވިއިރު، ސިޔާމް ގެންދަވަނީ ރައީީސް ޞާލިޙާއެކު ރިޔާސީ ކެމްޕެއިން ދަތުރުފުޅުތަކުގައި ބައިވެރިވެވަޑައިގަންނަވަމުންނެވެ.
ބާކީފަނަރަ ވާގޮތެއް ަލާލާނީ ✓މިފާހަގަމީހަކަށްލޖބޭވަރުން