ހެދުން އަޅާ ގޮތަކުން ތަފާތު ކުރުން ނުގެންގުޅޭނަން: މުޢިއްޒު
ހެދުން އަޅާ ގޮތަކުން ތަފާތު ކުރުން ނުގެންގުޅޭނެ ކަމަށް އިދިކޮޅު ރިޔާސީ ކެންޑިޑޭޓް ޑރ. މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ކެމްޕެއިނަށް ނ. މަނަދޫ އަށް ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން މުޢިއްޒު ވިދާޅުވީ ވަޒީފާތައް ދިނުގައި އެއްވެސް ތަފާތު ކުރުމެއް އޮވެގެން ނުވާނެކަމަށެވެ. އަދި ހެދުން އަޅާ ގޮތެއްގެ ސަބަބުން ވަޒީފާއިން ވަކި ކުރުން ނުވަތަ ކިތަންމެ ގާބިލު މީހަކަސް ވަޒީފާ ނުދިނުން ފަދަ ކަންކަން ހުއްޓާލަން ޖެހޭ ކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މޫނު ބުރުގާ އެޅި ފަރާތްތައް ވެސް އަދި އެހެން ގޮތްގޮތަށް ހެދުން އެޅި ފަރާތްތައް ވެސް، ތަފާތު ނުކުރާނެ ކަމަށެވެ.
"އެންމެ މަގުމައްޗަށް ނެރުނު މަގުފާރަވެރިންގެ ތެރޭގައި ވެސް ތިބޭނެ ތަފާތު އެކި ގޮތްގޮތަށް ހެދުން އަޅުއްވާފައި ތިބި ފަރާތްތައް" މުއިއްޒު ވިދާޅުވިއެވެ.
މީގެ އިތުރުން އިސްލާމީ ޝަރީއަތުގެ ތެރެއިން ކުރެވެން ޖެހޭ ކަންކަމުގެ ތެރެއަށް ބަސް ބުނެ އެ ބަޔަކު ބޭނުންވާ ގޮތަކަށް ކަންކަން ބަދަލު ކުރުމަކީ ކަންބޮޑުވާ ކަމެއް ކަމަށް މުއިއްޒު ވިދާޅުވިއެވެ.
