ބޯ ވިއްސާރާގައި ވެސް އަލިފުށިން މުޢިއްޒުއަށް ހޫނު މަރްހަބާއެއް
ރިޔާސީ ކެމްޕޭނަށް ރ.އަތޮޅަށް ކުރައްވާ ދަތުރުފުޅުގައި މިއަދު ބޯވިއްސާރާގައި ރ.އަލިފުއްޓަށް ވަޑައިގެންނެވުމުން އެރަށުން ހޫނު މަރުޚަބާއެއް ދަންނަވައިފިއެވެ.
ރޭ ގއ، ގދ އަތޮޅުގެ ދަތުރު ނިންމަވާލެއްވުމަށް ފަހު ދަންވަރު މަލެ ވަޑައިގަތުމަށް ފަހު މިއަދު ފަތިހު މުޢިއްޒު އާއި ކެންޕެއިން ޓީމުން ވަނީ ރ، ބ، ޅ ގެ އަތޮޅުގެ ރަށްރަށަށް ފުރާވަޑައިގެންފައެވެ.
މި ދަތުރުގައި އެންމެ ފުރަތަމަ މުޢިއްޒު ވަޑައިގަތީ އަލިފުއްތަށެވެ. އެ ރަށުގެ ބަނދަރުގައި އެތައް ބަޔަކު ސަފުތައް ހަދައިގެން ތިބި އިރު، އެންމެން އެއް އަޑަކުން ގޮވާލަމުން ދިޔައީ މި އިންތިހާބު ބޮޑުތަނުން ކާމިޔާބު ކުރާނެ ކަމަށެވެ.
މުއިއްޒު ވަނީ ބޯ ވިއްސާރާގައި އެހާ ގިނައަދަދެއްގެ ބަޔަކު ނިކުތުމުން ހައިރާކަން ލިބިވަޑައިގެން އެކަމަށް ފަށްފަށުން ޝުކުރު ދަންނަވާފައެވެ.
އަލިފުއްޓަށް ފަހު މުއިއްޒު ދެން ދަތުރުކުރައްވާނީ ރ. އަތޮޅުގެ ރަށްތަކަށެވެ. އަނެއް އެއަށް ފަހު ދެން ވަޑައިގަންނަވާނީ ބ. އަތޮޅަށެވެ. ބ. އަތޮޅަށް ފަހު ޅ.އަތޮޅުގެ ރަށްތަކަށް ވަޑައިގަންނަވާނެއެވެ.
