އިދިކޮޅުން ރައީސް ޞާލިޙުގެ ވައުދުތައް ކޮޕީ ކުރައްވާކަމަށް އެމަނިކުފާނު ވިދާޅުވެއްޖެ
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު ރިޔާސީ އިންތިޚާބުގެ ކެމްޕޭނުގައި ރައްޔިތުންނަށް ވެވަޑައިގަންނަވާ ވައުދުތައް ކުޑަ ތަންކޮޅެއް ބަދަލުކޮށްލައްވައިގެން ވައުދުވެރިން ވަމުންދާކަމުގެ ތުހުމަތު އެމަނިކުފާނު ކުރައްވައިފިއެވެ.
ކުރިއަށް އޮތް ރިޔާސީ އިންތިޚާބުގެ ކެމްޕޭނަނަށް ޅ. އޮޅުވެލިފުއްޓަށް ވަޑައިގެން އެ ރަށު ރައްޔިތުންނާ ބައްދަލުކުރައްވައި ރައީސް ޞާލިހު ވިދާޅުވީ އިންތިހާބުގެ ކަންކަން ދާ ގޮތް އެމަނިކުފާނާ އަރިހުގައި ދަތުރުކުރައްވާ ބައެއް ޒުވާނުން ގާތުން ސާފުކުރެއްވިއިރު އެ ޒުވާނުން އެކަން ސިފަކުރަނީ އެޕަލް އާއި އެންޑްރޮއިޑްގެ ވާދަވެރިކަމެއް އައިސްގެން އުޅޭ ގޮތަށްކަމަށެވެ.
"އެ ކުދިން ބުނީ ވަރަށް މަޖާ ކަމެއް އެބަވެއޭ. އެޕަލް ފޯނާއި އެންޑްރޮއިޑް ފޯނަށް ވާ ކަހަލަ ގޮތެކޭ. އެޕަލް އިން ބުނާނޭ މިފަހަރު ތިމަންނަމެން ނެރޭ ފޯނުގައި ތިން ކެމެރާ އިންނާނެއޭ. ހަމަ ބުނާއިރަށް އެއް ހަފުތާ ފަހުން އެންޑްރޮއިޑުން ބުނާނެއޭ ތިމަންނަމެން ނެރޭ ފޯނުގައި ހަތަރު ކެމެރާ ބައިންދާނަމޭ. ހަމައެހެން މިވަނީ،" ވާދަވެރިންގެ ވައުދުތައް ދުނިޔޭގެ އެންމެ މަޝްހޫރު ދެ ފޯނު ބްރޭންޑުގެ ވާދަވެރިކަމުން މިސާލު ނަންގަވައި ރައީސް ޞާލިޙް ވިދާޅުވި އެވެ.
މި އިންތިހާބުގައި ވާދަވެރިންގެ ފަރާތުން ވެސް ފެންނަމުންދަނީ އެފަދަ މަންޒަރެއްކަމަށް ފާހަގަކުރައްވަމުން ރައީސް ޞާލިޙް ވަނީ އެމަނިކުފާނުގެ ވައުދުތައް ބަދަލުކޮށްލައިގެން ވާދަވެރިން މިހާތަނަށް ދެއްކެވި ވާހަކަތަކުން ބައެއް މިސާލު ވެސް ވިދާޅުވެފައެވެ.
"އަޅުގަނޑުމެން ހައުސިން ލޯނު ހަ ޕަސަންޓަށް ކުޑަކޮށްދޭނަމޭ ބުނީމާ އަނެއް ދުވަހު އަރާފަ މިބުނަނީ ފަސް ޕަސަންޓަށް ހަދާނަމޭ. އަޅުގަނޑުމެން ރޯދަ މަހުގެ ފަހު 10 ގޭގައި ތިބެގެން މަސައްކަތް ކުރާ ގޮތަށް ހަމަޖައްސައިދޭން ބުނީމާ، އިހަށް ދުވަހު ވިދާޅުވެއްޖެ އެ 10 ދުވަސް ބަންދުކުރާނަމޭ،" ރައީސް ޞާލިޙް ވިދާޅުވިއެވެ.
އަދި މިވެނި ރަށެއްގައި 1200 މީޓަރުގެ އެއާޕޯޓެއް އަޅާނެ ކަމަށް ބައެއް ކެންޑިޑޭޓުން ވިދާޅުވާއިރު އެ ރަށުގައި 1،600 މީޓަރުގެ އެއާޕޯޓެއް އެޅުމުގެ މަސައްކަތް ފަށައިގެން މި ސަރުކާރުން ކުރިއަަަށް ގެންދާކަމަށާއި، އެއްވެސް ރަހުނެއް ނެތި އެސްއެމްއީ ލޯނު އެމަނިކުފާނުގެ ސަރުކާރުން ދެމުން އަންނަ ކަން ފާހަގަކުރައްވައި ރައީސް ޞާލިޙް ވިދާޅުވީ ވާދަވެރި ކެންޑިޑޭޓް ހަމަ އެ ވައުދު ވެވަޑައިގެންފައިވާ ކަމަށެވެ.
"މިއީ މިހާރު ވެސް ކުރަމުންގެންދާ ކަންތައްތައް. އެހެންވީމާ ތި ބޭފުޅުން ވިސްނާވަޑައިގަންނަވަން ޖެހޭނެ ވާދަވެރިން ދައްކާ ވާހަކަތަކާ ދޭތެރޭގައި. އަޅުގަނޑަށް ހަމަ ޔަގީން ކުރިއަށް މިއޮތް ރިޔާސީ އިންތިހާބަށް ކުރިމަތިލައްވާފައިވާ ކެންޑިޑޭޓުންގެ ތެރޭގައި މިވަރުގެ ތަފްސީލީ މިއަށް ވުރެން ރައްޔިތުންނާ ގާތުން ރައްޔިތުންނަށް ފައިދާ ކުރަނިވި މެނިފެސްޓޯއެއް ހިފައިގެން ނުކުމެ ހުންނެވި ބޭފުޅެއް ނުހުންނާނެ ކަން،" ރައީސް ޞާލިޙް ވިދާޅުވި އެވެ.
އެހެންކަމުން ވާދަވެރިން ދައްކަވާ ވާހަކަތަކާ މެދު ރައްޔިތުން ވަރަށް ބޮޑަށް ވިސްނުމަށް ރައީސް ޞާލިޙްވަނީ އެދިވަޑައިގެންފައެވެ.
މީގެ އިތުރުން، އެމްޑީޕީގެ މެނިފެސްޓޯ ފިޔަވައި، ރައްޔިތުންނަށް ހަމަޖެހުމާއި ތަރައްގީ ގެނެސްދޭނެ ވާދަވެރި މެނިފެސްޓޯ އެއް ނެތް ކަން ފާހަގަކުރައްވަމުން ރައީސް ޞާލިޙް ވިދާޅުވީ ގާތްގަނޑަކަށް 600 އެއްހާ މީހުންގެ އަބާދީ އެއް އޮންނަ އޮޅުވެލިފުށި ބާކީވެފައި އޮއްވައި ތަރައްގީގެ ގިނަ މަޝްރޫއުތަކެއް ފެށިގެން ކުރިއަށްދާ ކަމަށާއި ދެން އަންނަ ދައުރަކަށް އިންތިހާބު ވެވަޑައިގެންފިިނަމަ، އެ ރަށުގެ ބިން ހިއްކައި، ފްލެޓު ނޫނީ ރޯ ހައުސް އަޅުއްވައިދެއްވާނެކަމަށްވެސް ރައީސް ޞާލިޙް ވިދާޅުވިއެވެ.
ތިޔެއްނޭގެ.މުއިއްޒު ކަމެއްކޮންދެންބުނާއިރަށް އަވަހަން ދަނި.ބާވާފައެކަމަކާގެންއުޅެނީ.ވެރިކަމަށްމިހާދަހިވެތި.މީހަކު އަދިވެރިކަމަކަންނާރަ
ކަލޭގެ ކަނޑުކޮސްކަމާދޭތެރެ ދައްކާނެ އެއްވެސްވާހަކައެއް ނެތުމުގެ ސަބަބުން އަޅުގަނޑު ފުރުޞަތުދޫކޮށްލީ!ޝުކުރިއްޔާ ޢިއްޒަތްތެރި ރައީސް”
މުއިއްޒު އިއްޔެ ބުނީ ތިނަދޫއަށް ސިޓީ ދަރަޖަ ދޭން. ބުނާއިރަށް އިބުރޭ ތިނަދޫ ސިޓީއަކަށް ހަދައިފި! ކާކު ކޮޕީކުރަނީ؟