ރައީސް ޔާމީނުގެ ވެރިކަމުގައި 2 ސަރުކާރު ހިންގުނު، 1 ސަރުކާރު މާލޭގައި އަނެއް ސަރުކާރު ދޫނިދޫގައި: ރައީސް ޞާލިޙް
ރައީސް އަބްދުﷲ ޔާމީން އަބްދުލް ޤައްޔޫމުގެ ވެރިކަމުގައި ރާއްޖޭގައި ދެ ސަރުކާރެއް ހިންގިކަމަށާއި އެއް ސަރުކާރު މާލޭގައި ހިންގިއިރު އަނެއް ސަރުކާރު ހިންގީ ދޫނިދޫގައިކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
މާލޭގެ ކާނިވާ ސަރަހައްދުގައި މިހާރު ކުރިޔަށްދާ "އުފާރި މާލެ" ޖަލްސާގައި ވާހަކަ ދައްކަވަމުން ރައީސް ޞާލިޙް ވިދާޅުވީ، ރައީސް ނަޝީދުގެ ސަރުކާރު ބަދަލުވިގޮތާމެދު ހުރިހާ ސިޔާސީ ބޭފުޅުންނާއި ސިފައިންނާއި އަދި ރައްޔިތުންވެސް ފުންކޮށް ވިސްނަވަންޖެހިވަޑައިގަންނަވާ ކަމަށާއި، އެ ބަދަލުވުމާއި ގުޅިގެން މުޅި ރާއްޖެއަށް ކުރިމަތިވި ނާމާންކަމާއި ބިރުވެރިކަމާމެދު ވިސްނަވަންޖެހޭނެކަމަށެވެ.
އޭރުގެ ހާލަތް ސިފަކުރައްވަމުން ރައީސް ޞާލިޙް ވިދާޅުވީ އޭރު މަގުމަތީގައި އަބަދުމެ ޒުވާނުން މަރައި ވައްޓަމުން ދިޔަކަމަށާއި މީހުން ގޭތެރޭގައި ތިބޭއިރުވެސް ދަމާފައި ނެރިގެން ޤަތުލުކޮށްލާކަމަށެވެ. އަދި އެއީ ނާމާން ދުވަސްތަކެއްކަމަށާއި އެދުވަސް މިހާރު މާޒީވެއްޖެކަމަށެވެ. މި ސަރުކާރުން އެދުވަސް މާޒީކޮށްފިކަމަށެވެ.
މީގެ އިތުރުން، ރައީސް ޔާމީނުގެ ވެރިކަމުގެ ސަބަބުން އެންމެ ބޮޑު އަނިޔާއެއް ލިބުނީ މާލެ މީހުންނަށް ކަމަށާއި އޭރު މީހުންނަށް މިނިވަންކަމާއެކު ވިޔަފާރިތައް ނުހިންގޭއިރު މަގުމައްޗަށްވެސް ނުކުމެ އުޅެން ނުކުރޭކަމަށް ރައީސް ޞާލިޙް ވިދާޅުވިއެވެ.
އަދި 2018 އައި އިރު ހުރިހާ ސިޔާސީ ލީޑަރުން ތިބީ ބަންދުކޮށްފައިކަމަށާއި އެމަނިކުފާނުވެސް އޭގެ ތެރޭގައި ހިމެނޭކަން ފާހަގަކުރައްވަމުން ރައީސް ޞާލިޙް ވިދާޅުވީ އެމަނިކުފާނު ހައްޔަރުކުރި ރޭގައި އެކަނިވެސް 250 އަށްވުރެ ގިނަ އެކްޓިވިސްޓުން ޖަލަށްލި ކަމަށާއި މުޅިތަން އޮތީ ފުރިފައިކަމަށެވެ.
އޭރު ޖަލުގައި ތިއްބެވި ބޭފުޅުންގެ ތެރޭގައި އުއްތަމަ ފަނޑިޔާރު، ސުޕްރީމް ކޯޓުގެ އެހެން 2 ފަނޑިޔާރަކު، ޕްރޮސިކިއުޓަރ ޖެނެރަލް، ދެ އިންސްޕެކްޓަރ އޮފް ޕޮލިސް އަދި މަޖިލީހުގެ އެތައް މެމްބަރުންނެއް ހިމެނޭއިރު، ރައީސް ޞާލިޙު ހަވީރު ކަސްރަތުކުރަައްވަން ނުކުންނަވާއިރު މާ ދުރުގައި އެކަހެރިކޮށް ގޮނޑިއެއްގައި ބޭފުޅަކު އިންނަވާކަމަށާއި އެއީ ކުރީގެ ރައީސް، ރައީސް މައުމޫނުކަމަށް ރައީސް ޞާލިޙް ވިދާޅުވިއެވެ.
"ސަރުކާރެއް ބަރާބަރަށް ހިންގޭ ވަރަށް މީހުން ތިބި" ރައީސް ޞާލިޙް ވިދާޅުވިއެވެ.
އަދި އެއީ މާލޭގައި 1 ސަރުކާރާއި ދޫނިދޫގައި 1 ސަރުކާރު ކަމަށް ފާހަގަކުރައްވަމުން ރައީސް ޞާލިޙް ވިދާޅުވީ އޭރުގެ އޮޑިޓަރ ޖެނެރަލް މަގާމުން ވަކިކުރެއްވިގޮތްވެސް ރައްޔިތުންނަށް އެނގިވަޑައިގަންނަވާނެކަމަށެވެ. އެގޮތުން، އޭރުގެ އޮޑިޓަރ ޖެނެރަލް ނިޔާޒު ތައްޔާރުކުރެއްވި ރިޕޯޓު ރައީސް ޔާމީނުގެ އަރިހަށް ވަޑައިގެން އެމަނިކުފާނަށް ދެއްކެވުމުން އެމަނިކުފާނު ވިދާޅުވި ވާހަކަފުޅުތައް ނިޔާޒު ވަރަށް ތަފްޞީލްކޮށް ވިދާޅުވެދެއްވާފައިވާކަމަށާއި އެ ރިޕޯޓު ގެނދެވިތާ ހަފްތާއެއްވެސް ނުވަނީ އެބޭފުޅާ ވަޒީފާއިން ވަކިކުރެއްވި ކަމަށާއި ޕީޖީއަށްވެސް އަދި އުއްތަމަ ފަނޑިޔާރަށްވެސް ކުރިމަތިވެވަޑައިގެންނެވީ ހަމަ އެފަދަ ގޮތެއްކަމަށް ރައީސް ޞާލިޙް ވިދާޅުވިއެވެ.
އެހެންކަމުން ރައްޔިތުން އެފަދަ ދުވަހެއް އަލުން ދެކެން ބޭނުންނުވާނެކަމަށާއި، ކުއްލި ނުރައްކަލެއްގެ ހާލަތު ދެދުވަހުން އެއްދުވަހަކު އިއުލާންކުރާ ގައުމަކަށް ވާކަން ދިވެހިން ނޭދޭކަމަށް ފާހަގަކުރައްވަމުން ރައީސް ޞާލިޙް ވިދާޅުވީ ކުރިއަށް އޮތް ރިޔާސީ އިންތިޚާބުގައި ރައްޔިތުން ނިކުމެ މި ސަރުކާރަށް ދެވަނަ ދައުރެއް ދެއްވާނެކަމާމެދު އެމަނިކުފާނު އެއްވެސް ޝައްކެއް ނުކުރައްވާކަމަށެވެ.
މި ސަރުކާރުން އެއްވެސް މީހަކު ޖަލަށް ނުލާ، ވެރިކަމުގެ ދަހިވެތިކަން ސިކުޑިޔަށް ވަދެ ބުއްދި ކާލާފި، އަރާ ކޮންމެ ރަށަކަށް ސިފައިންނާ ފުލުހުންގެ ފައުޖު ފޮނުވާ ނިކަމެތި ރައްޔިތުން ނަށް އަނިޔާ ދޭ ވީޑިއޯ އިން މުޅު ސޯސަލް މީޑިޔާ ގުގުމާލާފައި ވަނީ، ޔާމިނު އަނިޔާ ކުރީ ބަޢާވާތް ކުރަން އުޅުނު ބަޔަކަށް، ރައްޔިތުން ތިލިޔާ އެއްޗެއް ޤަބޫލު ކުރާ ގޮތަކަށް ނޫން ތިބީ
ކަލެއައް 6 ދައުރު
ދޫނިދޫ ސަރުކާރަކީ ހުރިހާޒަމާނެއްގަވެސް ހިންގާ ސަރުކާރެއް މިހާރުވެސް ހިގާ ދޯ.. އޭގެކުރިން ވިލިގިލި ސަރުކާރެއްވެސް ހިންގި ދޯ. ވިލިގިލި ސަރުކާރުގެ ތިބީ އޭރު ބަގާވާތް ކޮށް ފިސްތޯލަ އެތެރކޮށްގެން އުޅުނު ބާގީން.