13 ބިލިއަން ރުފިޔާގެ މަޝްރޫޢު ހިންގިއިރު، އެންމެ ރުފިޔާއެއްގައި ވެސް ނުޖެހެން: މުޢިއްޒު
ރާއްޖޭގެ ހައުސިން މިނިސްޓަރުގެ މަޤާމުގައި ހުންނަވައިގެން، 13 ބިލިއަން ރުފިޔާގެ މަޝްރޫޢު ހިންގެވިއިރު ވެސް، އެންމެ ރުފިޔާއެއްގައި ވެސް ޖެހިފައި ނުވާނެ ކަމަށް އިދިކޮޅު ޕީޕީއެމް-ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު ވިދާޅުވެއްޖެއެވެ.
މުޢިއްޒު މިހެން ވިދާޅުވީ، ރޭ އެމަނިކުފާނުގެ ރިޔާސީ ކެމްޕެއިނުގައި، ލ.ފޮނަދޫގައި ބޭއްވި ބޮޑު ޖަލްސާގައި ވާހަކަ ދައްކަވަމުންނެވެ.
އެމަނިކުފާނު ވިދާޅުވީ، ހައުސިން މިނިސްޓްރީގައި އެ ހަތް އަހަރު އެތައް ފައިނޭންސް އެގްޒެކެޓިވުންނަކާއި މާލީ ޒިންމާދާރުވެރިންނާއި 1،500 އެއްހާ މުވައްޒަފުން ތިބި ކަމަށާއި ފައިސާއާ ގުޅޭ ވަކި މަޝްރޫއެއް ވަކި ބަޔަކާ އެމަނިކުފާނު ޙަވާލުކުރި ކަމަށް އެ އިން ވެސް މީހަކު އަދި މުވައްޒަފަކު ވެސް ނުބުނާނެ ކަމަށެވެ.
ވަކި ބަޔަކަށް ފައިސާ ދިނުން ހައުސިން މިނިސްޓްރީން އަވަސް ކުރަން ވެސް މުވައްޒަފުންނަށް ދަންނަވާފައި ނޯންނާނެ ކަމަށް ވެސް މުޢިއްޒު ވިދާޅުވިއެވެ.
"ކޮންމެ އެއްޗަކަށް އަޅުގަނޑު ޖަވާބު ދިނިން. ސާފުކޮށް ޖަވާބު ދިނިން. މިހާރު ވެސް ޖަވާބު ދޭނަން. އަޅުގަނޑު ކަންބޮޑުވާންޖެހޭ އެއްވެސް ކަމެއް ނޯންނާނެ." މާލެ ސިޓީގެ މޭޔަރު ވިދާޅުވިއެވެ.
މުޢިއްޒު އިތުރަށް ވިދާޅުވީ އެމަނިކުފާނުގެ މައްޗަށް ޚިޔާނާތުގެ ތުހުމަތު، ވާދަ ވެރިން ކުރަމުން އަންނައިރު، އެމަނިކުފާނާއި ދެކޮޅަށް ހެކި އުފައްދައިގެން ނޫން ގޮތަކަށް އެއްވެސް ކަމެއް ނުދެއްކޭނެ ކަމަށެވެ.
ހޯމް މިނިސްޓަރު ކަމުގައި ހުރި އިރުން ފެށިގެން މީހުންނަށް ބޮޑެތި ދޮގާއި މަކަރުހަދާ، މީހުންގެ މުދާ ފޭރިގަނެފައި މުއިޒު ހުރިކަމުގެ ދިރިހުރި ހެކި އަޅުގަޑުގެ އަތުގައި އެބަހުއްޓެވެ. ސީދާ މުއިޒަށްވެސް އެކަން އެގޭނެއެވެ. މިބުނަނީ ސީދާ ﷲ ގަންދީ ހުވާކޮށްފައެވެ. ތިޔައީ ނުލަފާ މީހެކެވެ.