އުތުރުތިލަފަޅުގެ އެއްބަސްވުމަކީ އެއްވެސް ނުރައްކަލެއް އޮތް އެއްބަސްވުމެއް ނޫން: ރައީސް ޞާލިޙް
އުތުރުތިލަފަޅަކުގެ އެއްބަސްވުމަކީ އެއްވެސް ނުރައްކަލެއް އޮތް އެއްބަސްވުމެއް ނޫން ކަމަށް ރައީސުލްޖުމްހޫރިއްޔާ އިބްރާހީމް މުޙައްްމަދު ޞާލިޙް ވިދާޅުވެެއްޖެއެވެ.
ސަންގު ޓީވީ އާއި ޕީއެސްއެމް ގުޅިގެން ބިލަބޮންގް އިންޓަނޭޝަނަލް ސްކޫލުގައި ކުރިއަށްގެންދާ "ސަންގު ބަހުސް"ގައި ވާހަކަދައްކަވަމުން ރައީސް ޞާލިޙް ވިދާޅުވީ ބޭރުގެ އެއްވެސް ސިފައިންގެ ބަޔަކު އަސްކަރީ މަސައްކަތެއް ކުރުމަށް ރާއްޖޭގައި ނެތް ކަމަށެވެ.
އަދި އެކި ތަމްރީންތައް ކުރުމާއި ދެ ގައުމު ގުޅިގެން ކުރާ އަސްކަރީ ނޫން ކަންކަން ކުރުމަށް ރާއްޖޭގައި އަބަދުވެސް ބޭރުގެ ސިފައިން އައިސްގޮސްފައިވާ ކަމަށާއި ޗައިނާގެ ސިފައިން ވެސް ދޭތެރެ ދޭތެރެއިން ރާއްޖެ އަންނާނެ ކަމަށް ރައީސް ޞާލިޙް ވިދާޅުވިއެވެ.
އަދި ޗައިނާއާ އެކީގައި އޮތް ގުޅުން ވަރަށް ރަނގަޅު ކަމަށާއި މިހާރު ވެސް ވަރަށް ބައިވަރު އެހީތައް ޗައިނާއިން ލިބެމުންދާ ކަމަށް ރައީސް ޞާލިޙް ވިދާޅުވިއެވެ.
ރައީސް ޞާލިޙް ވިދާޅުވީ އެ މަނިކުފާނުގެ ޚާރިޖީ ސިޔާސަތު މިހާރު ވެސް ބައްޓަން ކޮށްފައި އޮންނާނީ ޑިމޮކްރަސީއާއި އިންސާނީ ހައްގުތަކުގެ ހާލަތު ރަނގަޅު ކުރުމަށް ކަމަށެވެ.
މީގެ އިތުރުން އުތުރުތިލަފަޅުގެ އެއްބަސްވުމަކީ އެއްވެސް ނުރައްކަލެއް އޮތް އެއްބަސްވުމެއް ނޫން ކަމަށާއި އެެއްވެސް ބޭރު ގައުމަކުން އެއްވެސް ފައިސާއެއް ލިބިފައި ނުވާނެ ކަމަށް ރައީސް ޞާލިޙް ވިދާޅުވިއެވެ.
އުތުރުތިލަފަޅުު އެއްބަސްވުންް ކިޔާލީންތޯޯ އޭގެެ މާނަވެސްް އެގޭތޯޯ މިރާއްޖެއައްް މިހާރުބޭނުންވަނީީ ތައުލީމީީ އިލްމީީ ފަންނުވެރިި ރައީސެއްް ލިޔެފާހުންނަަ އެއްޗެއްް ކިޔަންނޭގޭޭ ކިޔޭއެއްޗެއްގެެ މާނަަ ނޭގޭހާލުގަަ މީހަކުބުނިހާގޮތަކައްް ކަންތައްކުރާމީހުންް މިގައުމުގަަ ވެރީންނަކައްް ބޭނުމެއްނުވޭޭ ލިޓްލްް ނޮލެޖްް އިޒުު ޑޭންޖަރަސްް
ހައްހައްހާ އުތުރު ތިލަފަޅުގެ އެއްބަސްވުމަކީ އެއްވެސް ނުރައްކަލެއްއޮތް އެއްބަސްވުމެއްނޫން. އެކަމަކު އެއްބަސްވުން ރައްޔިތުންނަށް ހާމަކުރުމަކީ ނުރައްކަލެއް. ހާމައެއް ނުވެސް ކުރެވުނު. އަދި އެތާތިބޭ ސިފައިނގެ އަދަދު ހާމަކުރުމަކީވެސް ގައުމީސަލާމަތަށް ހުރި ބޮޑު ނުރައްކަލެއް. ކީކޭ މި އިބްރާހިމްބެ މިކިޔަނީ.