ރައީސް ޔާމީންގެ މެސެޖެއް: މުއިއްޒުއަށް ދެވަނަ ބުރު ކާމިޔާބު ކޮށްދެއްވާ
ޕީޕީއެމް-ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒަށް ތާއިދު އިތުރު ކޮށްދެއްވައި، އެމަނިކުފާނަށް ރިޔާސީ އިންތިހާބުގެ ދެވަނަ ބުރު ކާމިޔާބު ކޮށްދެއްވުމަށް ކުރީގެ ރައީސް ޔާމީން އަބްދުލް ގައްޔޫމް އެދިވަޑައިގެންފިއެވެ.
ރައީސް ޔާމީން ދެއްވި މި މެސެޖު ސަޕޯޓަރުންނަށް ފޯރުކޮށްދެއްވީ، އެމަނިކުފާނުގެ އިސް ޤާނޫނީ ވަކީލު ޑރ.މުޙައްމަދު ޖަމީލު އަޙުމަދެވެ.
"ޑރ. މުއިއްޒަށް ތިޔަބޭފުޅުންގެ އިތުރު ތާއިދު ދެއްްވައި، ހިތްވަރު ކުރައްވާ ދެވަނަ ބުރު ކާމިޔާބު ކޮށްދެއްވުމަށް އެދިވަޑައިގަންނަވާ". ރައީސް ޔާމީންގެ ވަކީލުންގެ ޓީމްގައި ހިމެނިވަޑައިގެންނަވާ ޑރ. މުހައްމަދު ޖަމީލް އަހްމަދު މެދިވެރިކޮށް އެމަނިކުފާނު ދެއްވި މެސެޖްގައި ވެއެވެ.
އެ މެސެޖުގައި ރައީސް ޔާމީން ވަނީ މިއީ ބޭރު ސިފައިން ބޭރުކޮށް ގައުމު މިނިވަން ކުރަން ލިބޭނެ ހެޔޮ ފުރުސަތެއް ކަމަށްވެސް ވިދާޅުވެފައެވެ.
ރިޔާސީ އިންތިހާބުގެ ދެވަނަ ބުރު އޮންނާނީ، މި މަހުގެ 30 ވަނަ ދުވަހުއެވެ.
އިންޝާﷲ މަނިކުފާނުގެތި އެދިވަޑައިގަތް ކަންތައްވެސް ވަރަށް ހިތްވަރާ ޖޯޝާއެކު ކޮންދޭން މިތިބީ ކަށިން ހިތްވަރުނެރިގެން، މާތްﷲ ގައްގަށް ނަސްރުދެއްވާނެ، އިންޝާﷲ،
މާތްވެގެން އިސްލާމްދީނާ މިލޮބުވެތިގައުމާ، މަނިކުފާނުގެ ހައްގުގާ ބިރެއްފިތެއްނެތި މިތިބީ ފުރާނަވެސް ދޫކޮށްލަން ތައްޔާރަށް.