ބާރަށް މަސައްކަތް ފަށައިގަނޭ، ނަތީޖާ ބަދަލުކުރެވޭނެ: ރައީސް ޞާލިޙް
ރިޔާސީ އިންތިޚާބުގެ ދެވަނަ ބުރުގެ ކެމްޕޭނުގެ މަސައްކަތްތައް ބާރަށް ކުރިއަށް ގެންދެވުމަށާއި އިރާދުކުރެއްވިއްޔާ ރިޔާސީ އިންތިހާބުގެ ފުރަތަމަ ބުރުގެ ނަތީޖާ އަނބުރާލެވޭނެ ކަމަށް އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިޙް ވިދާޅުވެއްޖެ އެވެ
ކެމްޕޭން ހަރަކާތްތެރިންނާއެކު އެމްޑީޕީ ހަރުގޭގައި ބޭއްވި ބައްދަލުވުމެއްގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ އިންތިޚާބުގެ ފުރަތަމަ ބުރުގައި 80 ޕަސެންޓު މީހުން ވޯޓުލާފައި ނުވާކަމަށާއި މިފަދަ ގިނަ އަދަދެއްގެ ބަޔަކު މީގެ ކުރީގެ އިންތިޚާބު ތަކުގައި ވޯޓު ނުލައި ނުތިބޭއިރު މަސައްކަތް ކުރެވިއްޖެ ނަމަ ވޯޓުލާން މިއަށް ވުރެ ގިނަ މީހުން ނެރެވޭނެ ކަމަށެވެ.
އަދި އެ 80 ޕަސެންޓޫ މީހުންގެތެރޭގައި އެމްޑީޕީ އަށް ތާއީދުކުރާ އެތައް ބަޔަކަށް ވެސް ވޯޓު ނުލެވި އެބަހުރި ކަމަށާއި އެ ސަބަބުތައް ދެނެގަންނަޖެހޭ ކަމަށް ރައީސް ޞާލިޙް ވިދާޅުވިއެވެ.
"އެ ސަބަބުތައް ދެނެގަނަންވީ އަޅުގަނޑުމެން. އެބޭފުޅުންނަށް ވޯޓުލާން ނުނިކުމެވުނީ ކީއްވެގެންތޯ. ދަތުރު ނުރޭވުނީތޯ އަޅުގަނޑުމެންނަށް ނޫނީއްޔާ ގަޑިއަށް އައުމަށް ފަރުވާކުޑަކުރެވުނީތޯ، މިގޮތަށް ބަލައިގެން ކުރިއަށް ވަޑައިގަންނަވަންވީ. އަޅުގަނޑަށް ޔަގީން ބާކީ މިއޮތް 17 ދުވަހުގެ ތެރޭގައި މީތި މުޅިން އަނބުރާލާފައި އިރާދަކުރެވިއްޔާ އަޅުގަނޑުމެންނަށް ބޮޑު ތަފާތަކުން މި އިންތިހާބު ކާމިޔާބު ކުރެވޭނެ،" ރައީސް ޞާލިޙް ވިދާޅުވި އެވެ.
ފުރަތަމަ ބުރުގައި އަތުން ކައްސާލައިގެން ދިޔަ ކަންކަން ބަދަލުކުރެވިއްޖެނަމަ އިންތިޚާބުގެ ނަތީޖާ އަނބުރާލެވިދާނެކަމަށް ފާހަގަކުރައްވަމުން ރައީސް ޞާލިޙް ވިދާޅުވީ އެމްޑީޕީ އަކީ ރޭވުންތެރިކަމާއެކު ކެމްޕޭން ކުރާ ޕާޓީއެއް ކަމަށާއި ކެމްޕޭނުގެ ކަންކަން ފަސޭހަކުރުމަށްޓަކާ ބައެއް ކަންކަމަށް ބަދަލުތައް ގެނެސްފައިވާ ކަމަށެވެ. އެހެންކަމުން މަސައްކަތްތައް މިރެއިން ފެށިގެން ބާރަށް ކުރިއަށް ގެންދަން ރައީސް އެދިވަޑައިގެންނެވި އެވެ.
"ޓީމުތައް އެކުލަވާލާ އަޅުގަނޑަށް ފެންނަނީ ހަމަ މިރެއިން މިރެއަށް އަނެއްކާވެސް ބާރަށް މަސައްކަތް ފަށައިގަންނަން. ހަމަ ބާރަށް ކުރިއަށް ގެންދަންވީ،" ރައީސް ޞާލިޙް ވިދާޅުވި އެވެ.
101،635 ވޯޓާއެކު ރިޔާސީ އިންތިހާބުގެ ފުރަތަމަ ބުރުގައި އެންމެ ގިނަ ވޯޓް ހޯއްދެވީ ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒެވެ. އަދި ރައީސް ޞާލިޙަށް ލިބިވަޑައިގަތީ 86،161 ވޯޓެވެ.
ތީ ހަމަ ހީވާގޮތް
ވަގުން އެއްކައިރިކޮށްގެން ނޫނީ ތިކަންވާކަށްނެތް. ވަގުންތައް ތިއޮތީ ދޯކާދީފަ
ވިމްލާ އިބްރާހީމަކަށް ހެވެއްނޭދޭ. ވިމްލާއަކީ ނަޝީދުގެ ޢާއިލީ މީހެއް. ލޭގެގުޅުމެއްނުކެނޑޭނެ. ވަރަށް ވާހަކަ