ފޯކަސް އަކީ ކެމްޕެއިނަށް އަލުން ތައްޔާރު ވެގެން އިންތިހާބު ކާމިޔާބު ކުރުން : ރައީސް ޞާލިޙް

ފޯކަސް އަކީ ކެމްޕެއިނަށް އަލުން ތައްޔާރު ވެގެން އިންތިހާބު ކާމިޔާބު ކުރުމަށް މަސައްކަތް ކުރުން ކަމަށް އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

Ads by STELCO

އިންތިހާބުގެ ދެވަނަ ބުރަށް އެމްޑީޕީގެ ކެމްޕެއިން ފެށުމަށް ދަނޑިކޮށީ ޖަގަހައިގެ ބޭއްވި ބައްދަލުވުމަށް ފަހު، ނޫސްވެރިން ދެންނެވި ސުވާލުތަކަށް ޖަވާބު ދެއްވަމުން ރައީސް ވިދާޅުވީ އުންމީދަކީ ދެވެނަ ބުރުގައި ތިން ވަރަކަށް ޕާޓީން އެކުގައި މަސައްކަތް ކުރެއްވުން ކަމަށެވެ.

މިހާރު އެންމެ ބޮޑު އަމާޒަކީ ކެމްޕެއިން ހިންގުން ކަމަށާއި އެންމެ ބޮޑު ފޯކަސް އަކީ ކެމްޕެއިނަށް އަލުން ތައްޔާރު ވެގެން އިންތިހާބު ކާމިޔާބު ކުރުމަށް މަސައްކަތް ކުރުން ކަމަށް ރައީސް ޞާލިޙް ވިދާޅުވިއެވެ.

ރައީސް ވިދާޅުވީ ކޯލިޝަން ހެދުމަށް ވާހަކަ ދެއްކުމަށް އެހެން ޕާޓީތަކަށް އެމްޑީޕީ އޮތީ ހުޅުވިފައި ކަމަށެވެ.