Tuesday, 17 November 2026
Advertisement
STO — McCoy (leaderboard)
ސިޔާސީ

ވޭތުވެދިޔަ 5 އަހަރަކީ ވަރަށް ވޭން ދެނިވި އަހަރުތަކެއް، ރައްޔިތުންނަށް ފުދުންތެރިކަމެއް ނުހޯދުނު: ނާޒިމް

ވޭތުވެދިޔަ 5 އަހަރަކީ ވަރަށް ވޭން ދެނިވި އަހަރުތަކެއް، ރައްޔިތުންނަށް ފުދުންތެރިކަމެއް ނުހޯދުނު: ނާޒިމް

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ ވެރިކަމުގައި މި ވޭތުވެދިޔަ 5 އަހަރަކީ ދިވެހި ރައްޔިތުންނަށް އެތައްގޮތަކުން ވޭންދެނިވި 5 އަހަރުކަމަށް އެމްއެންޕީގެ ރައީސް މުހައްމަދު ނާޒިމްކަމަށް އެބޭފުޅާ ވިދާޅުވެއްޖެއެވެ.

ކުރިއަށް އޮތް ރިޔާސީ އިންތިޚާބުގެ ދެވަނަ ބުރުގެ ކެމްޕޭނަށް ރަށްރަށަށް ކުރައްވާ ދަތުރުފުޅުގައި ހއ. މާރަންދޫއަށް ވަޑައިގެން ބޭއްވި ޖަލްސާއެއްގައި މިއަދު ވާހަކަފުޅު ދައްކަވަމުން ނާޒިމް ވިދާޅުވީ ދިވެހިން މިއަދު ގައުމީ ދުވަސް ފާހަގަކުރާއިރު، ގައުމުގެ މިނިވަންކަމާއި އިގްތިސާދު އޮތީ އެހެން ބައެއްގެ އަތްމަތީގައިކަމަށާއި ދިވެހިން މިތިބީ ރަނގަޅަށްވެސް އަޅުވެތިވެފައިކަމަށެވެ.

"އަޅުގަނޑުމެން މިތިބީ ހަޤީޤަތުގައި ހަމަ އަޅުވެތިކަމެއްގެ ތެރޭގައި، އަޅުގަނޑުމެންނަށް އަޅުގަނޑުމެން އަމިއްލަޔަށް ބަސް ބުނުމުގެ ހައްޤު އަޅުގަނޑުމެންނަށް ނުލިބޭ ހާލުގައި. އަޅުގަނޑުމެންގެ ޚާރިޖީ ސިޔާސަތު މިއޮތީ އެހެން ބައެއްގެ އަތްމަތީގައި، އަޅުގަނޑުމެންގެ އިޤްތިޞާދު މިއޮތީ އެހެން ބައެއްގެ އަތްމަތީގައި، އަޅުގަނޑުމެންނަކަށް އަޅުގަނޑުމެން ބޭނުންވާ ގޮތަކަށް ކަންކަން ކުރުމުގެ ފުރުޞަތެއް ނެތް" ނާޒިމް ވިދާޅުވިއެވެ.

Advertisement
HDC — Sidebar (box)

އަދި ނާޒިމް މުއިއްޒުއާއިއެކު ރިޔާސީ އިންތިޚާބުގެ ދެވަނަ ބުރުގައި މަސައްކަތްކުރަން ނިންމެވީ ޤައުމު ހިމާޔަތްކުރެވޭނެ ހަމައެކަނި ބޭފުޅަކީ މިހާރު އެބޭފުޅާ ކަމަށްވާތީއާއި ޤައުމަށް ޖެހިފައި މިއޮތް ހާލު އިހްސާސް ނުކުރެވޭ އެއްވެސް ދިވެހި ރައްޔިތަކު ޤައުމޭ ކިޔައިގެން ވާހަކަ ދައްކަވާނެކަމެއް ނެތްކަމަށެވެ.

"ޤައުމެއްގެ ގޮތުގައި ޤައުމެއް މި އޮންނަނީ އެމީހުން ޤަބޫލުކުރާ ކަންކަމެއް އެމީހުންނަށް ހާޞިލްކުރެވުނީމާ، މިއަދު ޤަބޫލުކުރައްވާ އަޅުގަނޑުމެންނަށް އިސްލާމްދީނުގެ ހިދާޔަތުގައި އަޅުގަނޑުމެން ތިބެވިފަކާ ނެތް، އަޅުގަނޑުމެން ބަސް، ދިވެހިބަސް އަޅުގަނޑުމެންނަށް ހިމާޔަތްކުރެވިފަކާ ނެތް، އަޅުގަނޑުމެންނަކަށް އަޅުގަނޑުމެންގެ މިނިވަންކަން އިހްސާސް ނުކުރެވޭ" ނާޒިމް ވިދާޅުވިއެވެ.

އެހެންކަމުން، މުއިއްޒު ޚިޔާރުކުރުމުގައި ބެލީ މިކަމަށް "ދިވެހިންނަސް އިސްކުރައްވައި ދިވެހިވަންތަ އަޅުގަނޑުމެން ބޭނުންވާފަދަ ޤައުމެއް ބިނާކުރެވޭނެ ފަދަ ބޭފުޅަކަށް ޑރ. މުއިއްޒު ވާނެތީ" ކަމަށް ނާޒިމް ވިދާޅުވިއެވެ.

"ދިވެހިން ތިބި ހާލާ ދޭތެރޭ ވިސްނާލަން އެބަޖެހޭ، ޤަބޫލުކުރައްވާ! އަޅުގަނޑުމެންނަށް ފުދުންތެރިބަޔަކަށް ނުވެވޭ، ފެނާއި ނަރުދަމާ އަދި ބަނދަރު އަޅާލުމަކުން ނުފުދޭ، އަޅުގަނޑުމެން ބޭނުންވޭ ޖީބަށް ފައިސާ އަންނަން، އަޅުގަނޑު ބޭނުންވާ ދިވެހިންނަކީ އުފާވެރިކަމާއެކު އުޅޭ ބަޔަކަށް ހަދަން. މިދިޔަ 5 އަހަރު ވެގެންދިޔައީ ވަރަށް ވޭންދެނިވި 5 އަހަރު ގޮތުގައި" ނާޒިމް ވިދާޅުވިއެވެ.

އެހެންކަމުން އިންތިހާބާއި ދެމެދު ބާކީ މިއޮތް 14 ދުވަހުގެ ތެރޭގައު ޤައުމުގެ އޮޑި ހަވާލު ކުރައްވުމަށް ޤައުމިއްޔަތުގެ ރޫހު ހުރި ލީޑަރެއް ހޮވުމަށާއި އެންމެން އެކުގައި ނިކުމެ ދިވެހިންގެ ކެންޑިޑޭޓަށް ވޯޓު ދެއްވުމަށް ނާޒިމްވަނީ އެދިވަޑައިގެންފައެވެ.

އަދި ތަރައްޤީގެ މަގަށް ވިސްނެވުމަށާއި ތަރައްގީ ގެނެވޭނީ، އެ ވިސްނުން ހުރި ސިޔާސަތުތަކާއި ޕްލޭނެއް އޮތް ބަޔަކަށްކަމަށްވީތީ ކަމަށާއި ޚާއްސަކޮށް އިޚްލާސްތެރި މަސައްކަތެއް ކުރުމުގެ ނިޔަތް އޮތް ނަމަ ކާމިޔާބު ކުރެއްވޭނެކަމަށްވެސް ނާޒިމް ވިދާޅުވި އެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.