އަނެއްކާ ވެސް މީހަކު ގެއްލިގެން ހޯދަނީ
އަނެއްކާ ވެސް މީހަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަނީ ހދ. މަކުނުދޫ، ސިތާރާމަންޒިލް، ނާޠިފް ޢަބްދުއްސަލާމް، 28 އެވެ.
އޭނަގެ އާއިލާއާ ހަވާލާދީ ފުލުހުން ވިދާޅުވީ ނާފިތުގެ ޙަބަރެއް ނުވެގެން ގެއްލިފައިވާ ކަމަށް ރިޕޯޓްކޮށްފައި ވަނީ އާދީއްތަ ދުވަހު ކަމަށެވެ. އެހެންވެ އޭނަ ހޯދުމުގެ މަސައްކަތް ފުލުހުން ކުރަމުން އަންނަ ކަމަށް ބުންޏެވެ.
ނާތިފަ މާލޭގައި ދިރިއުޅެމުން އަންނަ މީހެކެވެ. ފުލުހުން ވިދާޅުވަި ނާތިފު އެންމެ ފަހުން ފެނިފައި ވަނީ މި މަހުގެ 15 ވަނަ ދުވަހު ކަމަށާއި އޭރު ލައިގެން ހުރީ ރުއްތަކެއް ޖެހި ގަމީހަކާއި ސޯޓެއް ކަމަށެވެ.
އޭނަ ގެއްލިގެން ހޯދާތީ ނާޠިފާ ބެހޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351 އަށް ގުޅުއްވައި ހިއްސާކުރަން ފުލުހިން އެދިފައިވެ އެވެ.
Ads by STO
